web counter
LEXO PA REKLAMA!

SHKARKO APP

App Store
Google Play

E fundit!

x

Nga Prishtina në Tiranë/ Rrugëtimi fantastik europian, Fejnord kërkon trofe pas 20 vitesh

6 Maj 2022, 09:49, Sport CNA

Roma dhe Fejnord janë dy skuadrat që do të diskutojnë trofeun e Conference League në ?Air Albania? më 25 maj. Verdhekuqtë italianë rikthehen pas 31 vitesh në një finale europiane, teksa skuadra nga Roterdami do të shijojë një duel për trofe pas 20 vitesh.

Fejnord ka fituar 1 Champions League dhe 2 Kupa UEFA, të fundit në vitin 2002 përballë Borusia Dortmundit (3-2). Në Tiranë pritet të zbarkojnë një numër i madh tifozësh italianë dhe holandezë, të cilët njihen për rivalitetin e madh mes tyre dhe problemet që kanë pasur në të kaluarën.

Arne Slot mori drejtimin e Fejnordit në korrikun e vitit të kaluar dhe pak ditë më pas luajti sfidën e parë sezonale në Conference League përballë Dritës në ?Fadil Vokrri? të Prishtinës.

Ishte 22 korriku i vitit 2021 dhe ?Intelektualët? e mbyllnin në barazim pa gola duelin ndaj tulipanëve, ndërsa sfida e kthimit përfundoi 3-2 për vendasit, që gjenin golin e kualifikimit në minutën e 90-të përballë një super Drite, që zhvilloi një ndeshje të madhe në ?De Kuip?.

Marko Simonovski dhe Astrit Fazliu shënonin për skuadrën nga Gjilani duke shtangur tifozët holandezë, por tregolëshi i Gil nderoi Fejnordin, që më 25 maj do të diskutojë trofeun përballë Romës së Murinjos në kryeqytetin shqiptar.





Lajmet e fundit nga