web counter
LEXO PA REKLAMA!

SHKARKO APP

App Store
Google Play

Vizita e Murinjos në Tiranë e bën të vetmin trajner në histori që arrin 4 finale europiane

6 Maj 2022, 05:45, Sport CNA

Zhoze Murinjo bëhet edhe më ?special?. Me sigurimin e finales e Ligës së Konferencës në Tiranë me Romën, trajneri portugez është bërë i vetmi në histori që arrin në finalen e 4 turneve të ndryshëm europianë.

Murinjo ka shijuar si trajner duke e fituar Kupën UEFA me Porton në vitin 2003, ndërsa më pas e fitoi edhe si Europa League të njëjtin turne me Mançester Junajtidin në vitin 2017. Në Ligën e Kampioneve ai arriti finalen me Porton në vitin 2004 dhe me Interin në vitin 2010, duke i fituar në të dyja rastet.

Kështu, ai bëhet trajneri i parë që arrin në të tria finalet e tre trofeve që organizohen aktualisht nga UEFA, e sigurisht do të ketë mundësinë që të bëhet i pari që i fiton të tre nëse triumfon në Tiranë.

Por në fakt, Murinjo ka medaljen edhe të një tjetër trofeu europian të fituar në stafin teknik. Ishte viti 1997 kur ai ishte ndihmësi i Bobi Robson te Barcelona, e cila mundi PSG-në në finalen e Kupës së Kupave që tani nuk ekziston më, falë golit të Ronaldos. Katër finale të ndryshme, që vështirë se do të arrihen nga ndokush tjetër si portugezi. Nuk e quajnë kot ?The Special One?.





Lajmet e fundit nga