web counter
LEXO PA REKLAMA!

SHKARKO APP

App Store
Google Play

Super-aksion i policisë në Korçë/ Kapet delja kontrabandë

3 Maj 2022, 09:06, Aktualitet CNA

Super-aksion i policisë në Korçë/ Kapet delja

Një super–aksion është zhvilluar nga policia e Korçës dhe është trumbetuar sot në media.

Një dele është kapur duke kaluar kontrabandë në pikën kufitare të Pustecit. Delja nuk ka arritur të kalojë kufirin nga aksioni i mirëorganizuar i policisë.

Pas rezultateve të larta të arritura në këtë aksion, policia pritet të vlerësohet, mundësisht edhe të shpërblehet.

Për të gjithë ata që nuk e besojnë ndalimin e deles nga super-aksioni i policisë, po sjellim edhe njoftim zyrtar të Drejtorisë së Policisë Korçë.

Për të qeshur e për të qarë, por policia ka shënuar një rezultat mahnitës. Ka kapur plot një dele.

“Specialistët e Seksionit për Hetimin e Krimit Ekonomik-Financiar në DVP Korçë filluan procedimin penal për veprën penale “Tregtimi dhe transportimi i mallrave që janë kontrabandë”, për shtetasin D. Xh., 58 vjeç, banues në fshatin Belorta, Korçë, pasi në fshatin Lajthizë, Pustec, ky shtetas u kap nga shërbimet e Stacionit të Policisë Kufitare Pustec, duke transportuar me mjetin kamionçinë “Benz”, një kokë gjedh, të pa matrikulluar dhe pa dokumentacionin përkatës të dyshuar si kontrabandë”, thuhet në njoftimin e Policisë./CNA.al





Lajmet e fundit nga