web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi i 30 prillit/ Enri Ceno falenderon partnerët perendimorë për mesazhet e forta

2 Maj 2022, 17:15, Aktualitet CNA

Enri Ceno, një nga kandidatët që garoi për anëtarë të Këshillit Kombëtar të Partisë Demokratike, në Kuvendin e 30 prillit, por nuk arriti të fitojë, ka dalë me një reagim në rrjetet sociale ku falenderon miqtë perendimorë që ju përgjigjen ftesës pozitivisht.

Ceno shkruan se miqtë tanë dhanë mesazhe të forta mbi vlerat e konservatorizmit dhe nevojën e kthimit të PD në një parti ideologjike.

Ndërsa shton se ne do të fitojmë atëherë kur do të dimë të ngrihemi mbi interesat tona të ngushta.

?Falenderimet më të përzemërta shkojnë për miqtë e shquar nga vendet partnere perëndimore të cilët iu përgjigjen pozitivisht fteses time për të mbështetur zhvillimet e Konventës demokrate.

Aty miqtë tanë dhanë mesazhe të forta mbi vlerat e konservatorizmit dhe nevojën e kthimit të PD në një parti ideologjike, sovraniste dhe realisht përfaqësuese, përpara se të jetë një parti elektorale.

Ne do të fitojmë atëherë kur do të dimë të ngrihemi mbi interesat tona të ngushta, e kur e mira e vendit do të vendoset fillimisht në qendër të jetëve dhe përpjekjeve tona, para se të jetë në fokus të ndihmës së të huajve.

Falenderimet tona të sinqerta shkojnë për miqtë e mi të shtrenjtë, Lordin James Wharton, Baron i Yarm-it, mik i ditëve të vështira.

Falenderoj Deputetin konservator Tobias Andersson, yllin në ngritje të politikës suedeze. Respekt të pafund për mesazhin frymëzues dhe lidershipin e  Giorgia Melonit, e cila në pamundësi të ishte fizikisht midis nesh për arsye të zhvillimit të kongresit të partisë së saj dërgoi një letër drejtuar demokratëve ku u bëri thirrje të rezistojnë dhe të tregojnë vlera deri në fitore.

Vlerësim dhe respekt të veçantë për Alvino-Mario Fantinin Kryeredaktor i  “European Conservatives” i cili nga Washingtoni na dërgoi një mesazh qëndrese, bashkëpunimi dhe solidariteti.

Serish ju Faleminderit!”/CNA.al

 





Lajmet e fundit nga