web counter
LEXO PA REKLAMA!

SHKARKO APP

App Store
Google Play

E fundit!

x

Rruga e Rinasit me një sens lëvizje/ Banorët në protestë, përplasen me policinë

2 Maj 2022, 08:09, Aktualitet CNA

Banorë të shumtë janë mbledhur sot për të protestuar, pas vendimit të ARRSH, e cila bëri të ditur se Rrruga e Rinasit, do të jetë me një sens lëvizje.

Kjo protestë vjen pasi ky aks u bë vetëm me një sens kalimi dhe solli trafik të rënduar me radhë të gjata automjetesh.

Vendimi i ARRSH pengon gjithashtu banorët e zonës së Rinasit, të cilët shprehen se për disa metra furgonët e shkollave duhet të përshkojnë një rrugë të gjatë.

Për këtë arsye, sikurse njoftuan ata janë mbledhur sot për të protestuar.

Në vendngjarje ka forca të shtuara të policisë. Efektivët nuk lejojnë protestuesit që të bllokojnë qarkullimin.

Policia ka dalë përpara tyre për t?i shpërndarë, por ata kanë reaguar të indinjuar pasi ky vendim i penalizon ata.

Protestuesit kanë paralajmëruar bllokimin e rrugës së Aeroportit.

“Për të blerë bukë, duhet ti biem nga Vora. Nuk çojmë dot fëmijët në shkollë. Unë e kam marrë vesh pardje, nuk dimë asgjë. Nuk ka asnjë rrugë, vetëm nga Fushë-Kruja. Është planifikuar protesta 10-12. Deri me 12 nuk do të lëvizim. I kemi njoftuar të gjithë. Këtu është planifikuar vendi. Nesër nga 6 orë do rrimë këtu derisa të hiqen tabelat. Nuk gjendet zgjidhet me këta. Shihe çfarë ka bërë kryeministri jonë. Ne nuk kemi ardhur me shkopa gome. Ne kemi ardhur me duar në xhepa. Nëse njëri nga banorët e Rinasit preket me dorë, atëherë keni për ta parë se kush janë banorët e Rinasit”, thonë banorët.

Shqetësimi i tyre është edhe rritje e kostos së përditshme.

“Këtë rrugë e bëjmë 100 herë në ditë. Nga shtëpia deri në aeroport 15 mijë lekë”, thonë banorët./CNA.al





Lajmet e fundit nga