web counter
LEXO PA REKLAMA!

SHKARKO APP

App Store
Google Play

E fundit!

x

“Duam Amerikën, por hamë bukë ruse”/ Ish-ministri mesazh të fortë, shigjeton Yuri Kim  

28 Prill 2022, 08:11, Politikë CNA

Ish-ministri i Drejtësisë, Ylli Manjani ka drejtuar mesazhe të forta sot në lidhje me situatën në Shqipëri, por edhe qëndrimet e ambasadores së SHBA, në Tiranë.

Në një postim në rrjetet sociale, Manjani shigjeton ata që tentojnë të shiten si pro-amerikanë, ndërsa sipas tij ?hanë bukë ruse?.

Ndërsa duke u ndalur tek qëndrimet e ambasadores, Manjani shkruan se ?ne prisnim që të nxitjej e promovohej standarti Amerikan i mos mbajtjes së pushtetit më shumë se dy mandate, jo mbajtjen në pushtet deri në qelbje totale.?

Më tej, ai thekson se ne nuk prisnim nga Ambasada dhe Amerika marrjen e anësisë politike në Shqipëri, por shembullin e korrektësisë diplomatike që imponohet me standart.

Sipas Manjanit, këtë Amerikë nuk e kemi parë prej disa kohësh në Shqipëri.

?Nga Ambasada Amerikane dhe jeniçerët shqiptar të NGO-ve që ajo paguan, prisnim nxitjen dhe promovimin e standardeve të shtetit e të demokracisë Amerikane dhe jo mbajtjen me thonj të autokracisë sonë.

Fjala vjen, prisnim nga Amerika, Ambasada dhe jeniçerët e saj të mirëpaguar të promovonin gjykatësin e përjetshëm në detyrë dhe jo presionin dhe kanosjen për ti ndërprerë karrierën. Shumë prej tyre iu ndërpre tashmë?

Ose, ne prisnim që të nxitjej e promovohej standarti Amerikan i mos mbajtjes së pushtetit më shumë se dy mandate, jo mbajtjen në pushtet deri në qelbje totale.

Prisnim mbështetjen për krijimin e një media të lirë e të pavarur, jo lëshimin e sufllaqexhinjve nëpër mediat e blera për të bërë dua Amerikane ndërkohë që shqiptarët hanë bukë ruse.

Ne nuk prisnim nga Ambasada dhe Amerika marrjen e anësisë politike në Shqipëri, por shembullin e korrektësisë diplomatike që imponohet me standart.

Për fat të keq këtë Amerikë nuk e kemi parë prej disa kohësh në Shqipëri.

Tani ata shqiptarë që shkumëzojnë kundër shqiptarëve, që mendojnë në këtë mënyrë, me etiketimin idiot si ?antiamerikanë?, ju kujtoj që të blejnë bukën e përditshme.

E kanë me miell rus dhe më të shtrenjtë se para 1 muaji.

Ndërkohë vazhdoni të shani një peticion se vetëm i shtohen firmat??-shkruan Ylli Manjani./CNA.al





Lajmet e fundit nga