web counter
LEXO PA REKLAMA!

SHKARKO APP

App Store
Google Play

E fundit!

x

Policia Rrugore kontrolle të rrepta/ Ndëshkohen 480 shoferë në Berat

26 Prill 2022, 10:37, Kronika CNA

Policia Rrugore e Beratit ka zhvilluar kontrolle intensive për evidentimin dhe ndëshkimin e shkelësve të Kodit Rrugor, me qëllim rritjen e parametrave të sigurisë rrugore.

Kontrollet janë përqendruar kryesisht në drejtim të shkeljeve që janë burim aksidenti.  Blutë bëjnë me dije se janë proceduar administrativisht gjithsej 480 drejtues mjetesh, për shkelje të ndryshme të Kodit Rrugor.

Është arrestuar në flagrancë një shtetas që drejtonte automjetin, pa leje drejtimi, ndërsa një tjetër është proceduar penalisht në gjendje të lirë.  49 drejtues mjetesh janë proceduar administrativisht për tejkalim të normave të shpejtësisë.

Janë proceduar administrativisht 10 drejtues mjetesh, për përdorim të aparatit celular gjatë drejtimit të mjetit. 35 drejtues mjetesh janë proceduar administrativisht për mosvendosjen e rripit të sigurimit.

Janë vendosur 70 masa administrative për parakalime të gabuara. Janë pezulluar 3 leje drejtimi, për shpejtësi tej normave të lejuara, dhe 1 tjetër për drejtim mjeti nën efektin e alkoolit. Janë vendosur 15 masa administrative për drejtim të motomjetit, pa kaskë mbrojtëse.

Gjithashtu janë vendosur 301 masa të tjera administrative, për shkelje të rregullave të ndryshme të qarkullimit rrugor.

Policia Rrugore e Beratit njofton se do të vijojë kontrollet në të gjitha akset rrugore urbane, interurbane dhe rurale, për të gjitha kategoritë e mjeteve, me qëllim parandalimin e aksidenteve rrugore.

Njëkohësisht, Drejtoria Vendore e Policisë Berat falënderon drejtuesit e mjeteve dhe këmbësorët që respektojnë rregullat e qarkullimit rrugor dhe apelon për më shumë rregull e siguri në rrugë, në favor të jetës dhe të shëndetit të qytetarëve./ CNA.al





Lajmet e fundit nga