O njerëz, o miq, mos lejoni që Top Channel të kthehet në TV Shijaku!

20 Prill 2022, 16:21, Politikë CNA

Top Channel publikoi ditën e sotme një dokument që i është dërguar përmes postës elektronike organizatave të shoqërisë civile, të cilave i kërkohet mendim dhe pjesëmarrje për zgjedhjen e Presidentit të ri.

Dokumenti Exel i listës së 451 organizatave jo qeveritare është dërguar në emër të Taulant Ballës nga një punonjëse e kryesisë së Kuvendit të Shqipërisë.

Teksa shkruan për organizatat të cilave i është kërkuar mendim për zgjedhjen e Presidentit, Top Channel ka ironizuar sipërmarrësin dhe biznesmenin e njohur Gjergj Luca.

Lidhur me këtë ironi ka reguar vetë Luca. Biznesmeni tregon sesi Dritan Hoxha e krijoi Top Channel e i dha shkëlqim dhe sesi ky televizion po degradohet sot.

Deklarata e plotë:

O njerëz, o miq, mos lejoni që Top Channel të kthehet në TV Shijaku!

Përshëndetje miq. Sapo pashë një kronikë në televizionin tonë më të madh nacional Top Channel, një kronikë në emisionin e lajmeve, ku merrte një lapsus të një punonjësi të Kuvendit që i kishte dërguar një letër të gjithë shoqatave për të marrë propozime për Presidentin tonë të ri të Republikës.

Aty pashë edhe veten time që më kishin marrë si një shembull, sigurisht me thënë të drejtën kur e pashë në fillim më erdhi mirë, por kur e pashë me kujdes brenda aty kishte njëçik si mish dhie me thënë të drejtën, kishte pak ironi. Dhe thashë me veten time, pse të ketë ironi. Le të vijë redaksia e informacionit të Top Channel dhe të marrë analizë përshembull 5-vjeçarin tim, sesi kemi administruar ne, se dhe unë jam President, President i qytetit tim dhe bile jo vetëm i këtij qyteti, por jam President edhe në det dhe një nga numrat më të fortë në të gjithë mesdheun me një flotë që është nder për Shqipërinë.

Por duke parë atë kronikë, edhe një herë tjetër në Youtube, mu kujtua një miku im i shenjtë që kemi nisur të dy biznesin bashkë dhe sa herë deheshim te Rozafa Palasë, bënim në mëngjes nga 15-20 biznese bashkë dhe të nesërmen kur takoheshim mbasi na dilte pija shikonim që nuk kishim bërë asgjë. Ky ishte një nga të paktit gjeni qënë gjykimin tim ka nxjerrë ky vend. Ishte Tani, Tani i Topit dhe ai njeri me gjenialitetin e vet krijoi një staf të mrekullueshëm, pjesë e Top Channel që është dhe sot.

Dhe sot, Top Channel vazhdon ta ketë atë dritë, atë shkëlqim, prej punës jashtëzakonisht të madhe, prej talentit jashtëzakonisht të madh që kishte ai gjeni. Vetëm se nuk di, mbase e kam gabim, por ajo dritë që Tani ka hedhur mbi këta njerëz dhe ajo dritë që ata njerëz sot vazhdojnë akoma i shkëlqen, nuk e di a është fshehur andej që këta njerëz ta kthejnë në një ndriçim të mejhaneve politike për President dhe për këtë media të çthurur. Më vjen keq për Top Channel!/ CNA.al

Një shaka presidenciale?/ PS fton për këshillim, gruan e kryeministrit, Ylli Ndroqin dhe konsullatën greke