web counter
LEXO PA REKLAMA!

SHKARKO APP

App Store
Google Play

E fundit!

x

Kriza energjitike/ Komisioni i Rithemelimit takim me ekspertë

20 Prill 2022, 10:33, Politikë CNA

Komisioni i Rithemelimit ka mbledhur sot një tryezë me një grup ekspertësh për të diskutuar në lidhje me krizën e sistemit energjetik shqiptar.

Në këtë takim, është i pranishëm edhe ish-kryeministri Sali Berisha.

Një ndër ekspertët e pranishëm në takim, tha në nisje të fjalës së tij se ?Shqipëria ka aktualisht një keqmenaxhin total në të gjitha sektorët e tij. Problematikë në vjedhjen e fondeve dhe abuzimet.

Për vitin 2022 kemi një precedent në furnizimin me energji elektrike për 3 mujorin e parë duke përdorur në mënyrë barbare Kaskadën e Liqenit të Fierzës është cenuar siguria e furnizimit?.

Lisandër Hoxha, vuri theksin tek vendosja e çmimeve me bord.

?Çmimet me bord vendosen në Korenë e Veriut. Janë anti-kushtetuese. Shkatërrojnë ekonominë dhe favorizon oligarkinë. Po na çon larg Europës dhe larg zgjidhjes së kësaj krize.

Energjia u shit, kaskada mbeti bosh dhe shqiptarëve u tha se po vjen tmerri?.-tha Hoxha.

Nga ana tjetër, ish-kryeministri Berisha tha se kriza nuk vjen për shkak të motit, as luftës, por për shkak të vjedhjeve.

?Energjia, ka qenë një problem që ka qenë kardinal, tani në hijen e luftës agresionin rus ndaj Ukrainës, ka marrë përmasa edh më të mëdha. Shqipëria është vendi i vetëm në Europë që ka tre-katërfishuar çmimin e energjisë për bizneset.

Dhe premton të rrisë në mënyrë absurde çmimin e energjisë për konsumatorët. Shqipëria është vendi i vetëm në Europë që takson naftën mbi 1 euro, që prodhon 1 mln ton dhe që ka dy-tre çmimeve më të larta në Europë. Sigurisht Shqipëria nuk është një ishull, por pjesë e kontinentit. Megjithatë, në rrafshin e energjisë dhe prodhimit të saj, Shqipëria është vendi që duhet të ndjente më pak se çdo vend tjetër ndikimin e mbi energjetikën e kontinentit të agresionit rus mbi Ukrainën.

Kjo pasi energjia e saj në masën 96-98 % është tërësisht ujore. Jo vetëm që është ujore, por ajo prodhohet me kosto më të ulët se në çdo vend tjetër të kontinentit. Së treti; prodhimi i energjisë në Shqipëri gjatë vitit 2021 është më i larti në rekord historik, rreth 8.9 mld kv/orë. Duke parasysh këto faktorë dhe ne qoftë se analizojmë qëndrimin në menaxhimin e rezervës ujore të kaskadës, konstaton se shkaku themelor i energjetiken në Shqipëri nuk është moti, lufta, por është plaçkitja, grabitja, vjedhja në këto sipërmarrje. Shqipëria nuk besoj se ka vend tjetër që zbraz digat në kundërshtim me ligjet e saj dhe shet energji në emër të liberalizmit të tregut me 42 euro, kur në bursë është 130 euro.?-tha Berisha./CNA.al





Lajmet e fundit nga