E fundit!

21:44 Kronika

Të shtënat në Elbasan/ Policia jep detaje për ngjarjen

Mësohen detaje të reja lidhur me ngjarjen e ndodhur mbrëmj...

“Inceneratorët në këmbim të dosjes ruse”/ Berisha tregon pazarin Rama-Basha

14 Prill 2022, 11:35, Politikë CNA

Ish-kryeministri Sali Berisha, në një deklaratë për mediat, është pyetur nga gazetarët në lidhje me deklaratën e sotme të Lulzim Bashës, i cili tha se ?SPAK duhet të hetojë non-grata?.

?Pyeteni pse ia mbylli dosjen ruse?-tha Berisha, duke risjellë në vëmendje lobimet e Bashës në SHBA, me para nga off shore ruse.

Berisha tha se Basha ishte nisur për në SHBA, por u kthye në Romë pasi atje e priste FBI.

?Atë thirrje e kam bërë unë me kohë, por personi i vetëm që është në përballje me drejtësinë nërkombëtare dhe atë shqiptare, është Lulzim Basha. Prandaj kur të dalë para jush, pyeteni pse u ktheve nga Roma në Tiranë dhe nuk shkove në SHBA. U kthye se e ka të hapur dosjen Muzin nga FBI. Nëse shkonte, përballej me ligjin,? tha Berisha.

?Ju duhet të pyesni pse Edi Rama e mbylli dosjen e rusëve. Ju duhet të ruani sensin e investigimit, në interesin më të mirë të profesionit tuaj. Për të mos thënë pastaj, dosjen e Toyota Yaris.”-tha Berisha.

Po ashtu Berisha tha se Basha është peng i Ramës, ndërsa ky i fundit ia mbylli dosjen ruse, në këmbim të heshtjes për inceneratorët.

?Mund t’ju them me përgjegjësi të plotë se ditën e enjte, pas emisionit Opinion, ku Edi Rama desh ia mbathi si i tromaksur si asnjëherë kur i doli në LED çështja e inceneratorëve. U ngrit. Pas këtij emisioni ai deklaroi se atij unë i kam mbyllur dosjen ruse. Ajo që në atë kohë unë e mohoja se është ruse, ajo, sipas Edi Ramës dhe sipas disa të dhënave të tjera, ka qenë ruse. është shumë thjeshtë e investigueshme, shumë thjeshtë e hetueshme. Merrni listën në Prokurori të sponsorëve të tij në SHBA dhe nëse del një prej tyre që thotë se unë i kam dhënë paratë Nick Muzinit. Asnjë“.-deklaroi Berisha.

Pyetjet:

Pyetje: E keni cilësuar zotin Basha peng dhe për shkak të dosjeve nuk largohet. Po tani që ka dhënë dorëheqjen?

Sali Berisha: Tani që ka dhënë dorëheqjen ai është anëtar i grupit parlamentar. Ka një seri procesesh, ia ka krijuar vetes. Ka procesin me FBI, me drejtësinë belge, në mos ndërhyjë edhe ndonjë drejtësi tjetër pastaj.

Pyetje: Cilat?

Sali Berisha: Nuk e di. Por, afera është ndërkombëtare.

Pyetje: Për këto akuza keni një thirrje për SPAK për të hetuar zotin Basha?

Sali Berisha: Po bëni shaka? A nuk e mbylli dosjen SPAK-u? Edi Rama mbylli dosjen. A nuk tha Edi Rama që SPAK-u është i partisë. SPAK-u, tha, është krijesë e PS. Ata mbyllin dosjet, unë të kërkoj sërish të hapin dosjet, sa qëndron kjo?

Pyetje: I druheni thirrjes së PS për SPAK-un?

Sali Berisha: Absolutisht! Asnjë gjëje mbi tokë nuk i druhem. Sepse unë kam kodin tim të pathyeshëm./CNA.al