E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Basha pranoi se SHBA i ka hequr vizën/ CNA.al e paralajmëroi dy vite më parë

14 Prill 2022, 10:20, Politikë CNA

Ashtu siç ka raportuar më herët CNA.al, Lulzim Basha nuk ka vizë për të udhëtuar në SHBA.

Ai është pyetur sot nga gazetarët , nëse disponon vizë udhëtimi për në SHBA dhe fillimisht ka tentuar t?i shmnaget përgjigjjes, por pyetja i është bërë sërish.

Pyetje: E keni marrë vizën për në SHBA?

Basha: Eskobar më ka ftuar për në SHBA, ftesën e kam pranuar. Zhvillimet kanë qenë të vrullshme. Me shumë kënaqësi unë do të vazhdoj kontaktet me SHBA duke hedhur poshtë çdo trillim dhe shpifje që synon të baltosë këtë betejë parimore.

Pyetje: E keni marrë vizën apo jo??

Basha: Unë kam patur një vizë prej kohësh dhe nëse do të më duhet një vizë do ta kërkoj dhe do ta marr.

Pra, Basha konfirmoi se nuk kishtë vizë udhëtimi për në SHBA.

CNA.al disa kohë më parë shkroi se SHBA i kishte hequr vizën Lulzim Bashës, por zërat rreth tij u përpoqën ta mohojnë.

U tha se Basha do udhëtonte në SHBA në dhjetor të 2019, por më pas u justifikua me tërmetin. Kanë kaluar më shumë se 4 vite dhe Lulzim Basha është pa vizë amerikane dhe nuk udhëton dot më aty.

Heqja e vizës dhe bllokimi i Bashës erdhi pas vizitës së tij në maj të 2017 ku gjatë një vizite krejtësisht private, nëpërmjet një lobimi në një takim donacionesh mundi të siguronte një foto më presidentin e SHBA-ve, Donald Trump.

Por në dhjetor të vitit 2017, në mediat amerikane plasi dhe skandali për një financim rreth 1 milionë e 25 mijë dollarë nëpërmjet kompanisë të lobistit Nik Muzin

Çështja e financimeve shkoi për hetim edhe në prokurorinë shqiptare por u mbyll me procedurë.

Ndërsa në SHBA, zhurma ishte e madhe, pasi mediat akuzuan se paratë e Lulzim Bashës ishin dhënë nga offshore me pronarë rusë.

Më pas nëpërmjet një kompanie lobuese Basha po kërkon të marrë një ftesë zyrtare nga departamenti i shtetit, që të sigurojë një vizë diplomatike për të udhëtuar drejt SHBA-ve.
CNA.al ka siguruar dhe publikuar dokumentin e lobimit, të cilin po e risjellim sërish.

Ky dokument tregon se Lulzim Basha s?ka pasur vizë amerikane./CNA.al

Skandali me lobimet ruse të Lulzim Bashës/ Prokuroria bën lëvizjen e radhës

Lobimi i PD në SHBA/ Elisabeta Imeraj përballë Lulzim Bashës