LEXO PA REKLAMA!

SHKARKO APP

Skandali me lobimet ruse të Lulzim Bashës/ Prokuroria bën lëvizjen e radhës

15 Tetor 2019, 09:55, Politikë CNA
Skandali me lobimet ruse të Lulzim Bashës/ Prokuroria bën

Prokuroria e Tiranës ka zgjatur me tre muaj hetimet në lidhje me skandalin e lobimeve ruse të Lulzim Bashës, në SHBA në prag të zgjedhjeve të 25 qershorit 2017.

Tre zyrtarët e PD, Lulzim Basha, Arben Ristani, Ilir Dervishi janë nën hetim për pastrim parash dhe falsifikim formularësh në lidhjen me financimet e lobimit rus.

Kujtojmë këtu se hetimi i Prokurorisë nisi pasi publikimit në media, se Partia Demokratike fshehu pagesa prej më shumë se gjysmë milionë dollarë për një kompani lobimi në Uashington dhe dështoi të bënte transparencë në Komisionin Qendror të Zgjedhjeve, ndërkohë që njëra prej transfertave u bë nga një kompanie guackë me aksionerë anonimë e regjistruar në parajsa fiskale.

Partia Demokratike e udhëhequr Basha lidhi dy kontrata me lobistin  e saj në Uashington, ?Stonington Strategies?, pjesë e Muzin Capitol Partners.

Në prag të zgjedhjeve të qershorit 2017, Basha siguroi një takim të shkurtër dhe fotografi me Presidentin e SHBA-së, Donald Trump, të cilën Muzin e paraqit si një sukses së kompanisë së tij.

Në Departamentin e Drejtësisë në SHBA, ?Stonington Strategies? deklaron se ka marrë dy pagesa nga Partia Demokratike me vlerë totale 525 mijë USD në vitin 2017 dhe një pagesë të tretë nga ?Biniatta Trade LP?-një kompani guackë e regjistruar në Skoci, në vlerën e 150 mijë USD.

Ndryshe pretendon Partia Demokratike. Sipas raportit vjetor të dorëzuar në Komisionin Qendror të Zgjedhjeve, kjo e fundit deklaron se gjatë vitit 2017 në total ka shpenzuar 26.4 milionë lekë në konsulenca, nga të cilat Muzin Capitol Partners ? kompania mëmë e Stonington Strategies ka përfituar vetëm 3.1 milionë lekë (25,000 USD)./ CNA.al

Lajmet e fundit nga