web counter
LEXO PA REKLAMA!

SHKARKO APP

App Store
Google Play

Sulm në një metro në New York/ Të paktën 13 persona të plagosur

12 Prill 2022, 14:13, Kosova & Bota CNA

Të paktën 13 persona kanë mbetur të plagosur në një sulm në një stacion metroje në New York.

Sipas mediave lokale, të shtëna u qëlluan në stacionin e Rrugës 36 në Sunset Park rreth orës 08:30 me orën lokale të mëngjesit të së martës.

Fotot nga vendi i ngjarjes tregojnë pasagjerë të gjakosur të shtrirë në dyshemenë e stacionit. Në vendngjarje janë gjetur edhe mjete shpërthyese të të cilat nuk kishin arritur të plasnin.

Zyrtarët kanë paralajmëruar banorët që të shmangin zonën dhe të presin vonesa.

Të paktën katër linja treni thuhet gjithashtu se janë vonuar në të dy drejtimet.

Raportimet e para kanë konfirmuar se të paktën 13 persona janë plagosur, ndërsa autori i ngjarjes i cili dyshohet të jetë i armatosur është ende i lirë.

Mediat e huaja raportojnë se autori i dyshuar kishte veshur një maskë gazi dhe një jelek portokalli. Po ashtu thuhet se ai ishte i veshur si punonjës i Autoritetit të Transportit Metropolitan, ndaj kjo gjë e ka lejuar atë që të përzihej me turmën dhe të arratisej./ CNA.al





Lajmet e fundit nga