LEXO PA REKLAMA!

SHKARKO APP

Nga Koka, tek Bllako/ Bllokohen 2 milionë euro pasuri të njerëzve të inceneratorëve

29 Mars 2022, 10:03, Aktualitet CNA

Me vendimin nr.130 akti, datë 28.03.2022 të Gjykatës Posaçme të Shkallës së Parë për Korrupsionin dhe Krimin e Organizuar Tiranë, është vendosur caktimi i masës së sigurimit pasurore ?sekuestro preventive? për disa patundshmëri.

14 apartamente me sipërfaqe banimi në total prej 1356 m²;

3 njësi tregtare me sipërfaqe shfrytëzimi në total prej 297 m²;

1 pasuri të paluajtshme të llojit truall me sipërfaqe 147 m² dhe ndërtesë 126 m²;

8 shoqëri tregtare dhe të gjitha asetet në pronësi të shoqërive tregtare.

Pasuritë e paluajtshme të sekuestruara dyshohet se përbëjnë produkt të veprave penale për të cilat po ushtrohet ndjekja penale, ndërsa shoqëritë tregtare të sekuestruara dyshohet se kanë shërbyer dhe janë përdorur si mjete për të realizuar veprat penale.

Vlera e pasurive të paluajtshme të sekuestruara është rreth 2,000,000 Euro.

Me të njëjtin vendim gjykate, është vendosur caktimi i masës së sigurimit pasuror ?sekuestro preventive? për personin juridik ?Integrated Technology Waste Treatment Fier? sh.p.k., me seli qëndrore në Tiranë, së bashku me të gjitha pasuritë e paluajtshme dhe të luajtshme në pronësi të saj.

Caktimi i masës së sigurimit pasuror ?sekuestro preventive? për personin juridik ?Integrated Technology Services? sh.p.k, me seli qëndrore në Tiranë, së bashku me pasuritë e paluajshme dhe të luajtshme në pronësi të saj.

Caktimi i masës së sigurimit pasuror ?sekuestro preventive? për 4 (katër) pasuri të paluajtshme në zotërim të shtetasit Lefter Koka, me sipërfaqe totale prej 3 344.8 m2Këto pasuri kanë një vlerë ekuivalente që përmbush vlerën e përfituar në mënyrë të paligjshme në shumën 146,083,071 (njëqind e dyzet e gjashtë milion e tetëtëdhjetë e tre mijë e shtatëdhjetë e një) lekë.

Caktimi i masës së sigurimit pasuror ?sekuestro preventive? për pasurinë në zotërim të shtetasit E. B., lloji i pasurisë ?apartament?, me sipërfaqe 99.48 m2me adresë Tiranë, me vlerë sipas kontratës shitblerjes në shumën 144,246 Euro, që përmbush vlerën ekuivalente të përfituar në mënyrë të paligjshme nga shtetasi Alqi Bllako në shumën 14,964,900 (katërmbëdhjetë milion e nëntëqind e gjashtëdhjetë e katër mijë e nëntëqind) lekë./CNA.al

Lajmet e fundit nga