web counter
LEXO PA REKLAMA!

SHKARKO APP

App Store
Google Play

E fundit!

x

Ish-ministri thirrje Komisionit të Rithemelimit/ Boll me Bashën e Bardhin, koha nuk pret më

26 Mars 2022, 14:00, Politikë CNA

Ish-ministri i Drejtësisë, Ylli Manjani ka reaguar në lidhje me situatën ekonomike në vend.

Në një postim në rrjetet sociale, Manjani i drejton një mesazh të fortë Komisionit për Rithemelimin e PD, ndërsa thekson se koha nuk pret më.

Ai thekson se nuk është koha të merren me Bardhin, Bashën e Alibeaj.

?O Komisioni i Rithemelimit!

E di që është kohë e papërshtatshme, por qeveria ka vendosur çmime, bash si në kohën e Adil Çarçanit.

Çmimi i naftës 250 L sot, me vendim qeverie!!!

Ushqimet nuk preken me dorë.

Fierza dhe kaskada e tharë e Drinit, me vendim qeverie gjithashtu, na ftojnë drejt një krize eehe më të madhe.

Borxhi publik në drejtim të paditur.

Pasuria publike e mbetur po u jepet miqve të pushtetit.

Demokracia ka kohë që ka rrëshqitur drejt honeve të qoftëlargut monizëm.

Shteti e drejtësia janë një me pushtetin.

Europën po na e largojnë edhe nga dylbitë?

Nëse keni ndonjë derman për këto gjëra e të tjera, po ju presim. E dimë që doni të riorganizoheni, por koha nuk pret.

Veç, pash zotin, boll na servirët lajme me AliBashën, AliBardhin e AliBeun!

Ikën ata!

Janë thjesht shembull për lektorët politikë që tu mësojnë të rinjve se si nuk duhet bërë politika.?-shkruan Ylli Manjani./CNA.al





Lajmet e fundit nga