web counter
LEXO PA REKLAMA!

SHKARKO APP

App Store
Google Play

Dorëheqja e Bashës/ Bylykbashi: Ai është i shkarkuar nga Kuvendi i 11 dhjetorit

15 Mars 2022, 19:13, Politikë CNA

Deputeti i PD, njëherësh anëtar i Komisionit të Rithemelimit Oerd Bylykbashi teksa ka komentuar krizën në PD, u shpreh se Lulzim Bashës nuk duhet t?i kërkohet dorëheqja, pasi u shkarkua nga Kuvendi Kombëtar i 11 Dhjetorit.

Në një intervistë televizive, ai theksoi se shpreson që kolegët e tjerë në PD, të cilët i kërkojnë Bashës dorëheqjen, të arrijnë pikërisht në këtë konkluzion.

?Së pari paska kërkuar pak, se si rregull ka do dy muaj kohë. Ky është mekanizmi i tij. Nuk e di mund të kërkojë kohë dikush kur ia kërkojnë të gjithë të ikë. Po ia kërkojnë edhe ata që e mbrojtën deri në datë 6.

Për sa na përket ne dhe PD. Mos të harrojmë Kuvendin në 11 dhjetor. Ata që e ndjekin Bashën në këtë rrugëtimin e tij që të gjithë po i çudit. Më datë 11 ai Kuvend nuk zhbëhet.

Më shumë se simbolika, 11 dhjetori është kuvendi që bëri dy gjëra të rëndësishme, ndryshoi statutin, u fut referendumi që u zbatua më 18 dhjetor.

Dikush kërkon dorëheqjen, nga dikush që është i shkarkuar nga partia. Besoj se kolegët e mi do të arrijnë te konkluzioni se rruga më e thjeshtë për ta, për të ruajtur edhe dinjitetin është që të mos lodhen fare, ti kërkojnë dorëheqjen; bashkimi me vendimin e 11 dhjetorit për shkarkimin e mbyll këtë diskutim?, tha Bylykbashi./E.K-CNA.al





Lajmet e fundit nga