web counter
LEXO PA REKLAMA!

SHKARKO APP

App Store
Google Play

E fundit!

x

Të burgosurit do të paguhen me rrogë mujore / Ministri Manja shpjegon projektin

15 Mars 2022, 16:11, Politikë CNA

Ministri i Drejtësisë Ulsi Manja, ka vizituar sot ambientet e Institucionit të Ekzekutimit të Vendimeve Penale, nga ku ka bërë të ditur ndryshimet ligjore në lidhje me punën e të burgosurve dhe shpërblimin e tyre. Tashmë çdo punë e të burgosurve do të shpërblehet me pagë, ndërsa deri tani maksimumi i shpërblimit të punës për këta persona ishte ulja e ditëve të dënimit.

Manja premtoi se brenda vitit 2022, numri i të punësuarve në disa burgje, do të shkojë në 380.

?Janë 380 të dënuar si fazë e parë që do të punësohen në IEVP e republikës. Sot startojmë me Durrësin, ku kanë filluar punën 15 të dënuarit e parë. Është një program ambicioz, që implementohet për herë të parë me ligjin e ri për të drejtat dhe trajtimin e të dënuarve?, tha ai.

Bëhet e ditur se personat që do të jenë të punësuar në administratën e burgjeve do paguhet me 25% të pages për secilin pozicion, ndërsa të burgosurit të cilët do të punësoihen në sektorin privat që do të përshtatet brenda ambienteve të burgut, do të shpërblehen për punën e tyre me pagë minimale.

?Në burgun e Fierit po diskutohet të punësohen 200 të dënuar në sektorin privat, po ashtu edhe 70 të dënuar në IEVP e Reçit. Në total siç e thashë do të jenë 380 të punësuar në këtë fazë të parë. Në lidhje me punësimet në bashkëpunim me sektorin privat, jemi në bisedime me shumë kompani, kryesisht në fushën e fasonerive?, tha ministri Manja./CNA.al

 





Lajmet e fundit nga