E fundit!

21:15 Aktualitet

"Një çoban e denoncoi"/ Si ra policia e Korçës në gjurmët e autorit të vrasjes së efektivit

Gazetarja Glidona Daci, në një lidhje me emisionin Opinion...

Afera e inceneratorëve/ Tabaku: Grupi kriminal i përbërë nga disa zyrtarë të lartë shtetëror

10 Mars 2022, 10:31, Politikë CNA

Deputetja e PD-së, Jorida Tabaku ka lexuar në parlament raportin e dalë nga Komisioni Hetimor për Inceneratorët.

Sipas Tabakut, që nga muaji Tetor, i vitit 2021 janë zhvilluar 20 mbledhje dhe 60 orë dëshmi, të cilat kanë vërtetuar vjedhjen e 430 milionë eurove.

Deputetja i ka bërë thirrje Drejtorit të Përgjithshëm të Policisë që të vendosë në dispozicion lëvizjet e shtetasve, Arben Ahmetaj, Damian Gjiknuri, Mirel Mërtiri e Klodian Zotos.

?Nuk trembemi dhe as nuk kërcënohemi. Që nga tetori i vitit 2021, në kryesinë e Kuvendit, janë zhvilluar rreth 20 seanca mbledhjesh për inceneratorët, për të treguar tek qytetarët se si kanë operuar qeveria Rama me lekët e buxhetit të shtetit. Kësaj radhe, ne patëm mundësinë ta faktojmë, duke u nisur dhe nga dëshmitë e punonjësve të administratës, por edhe nga ata politikanë që padija e të cilëve i dha qartësi opinionit publik. Rreth 60 orë dëshmi dhe qindra dokumente, do të shërbejnë për SPAK-un. Qëllimi kryesor me këtë komision ishte të bënim të qartë atë që kemi denoncuar prej vitesh, kryerjen e një krimi shtetëror me inceneratorët. Tre pronarët kishin vetëm një detyrë, marrjen e lekëve nga shteti, dhe më pas përmes një skeme, ua dorëzonin sërish politikanëve.

Ky grup kriminal, të gjithë personat e përfshirë në këtë aferë, quhen të tillë. Ky grup është i përbërë nga disa zyrtarë të lartë shtetëror dhe lokal, të mbështetur nga kryeministri Rama. Kanë shkelur sytë dhe kanë harruar pozicionin. Edhe ditë të diele kanë firmosur. Kryepronari i Inceneratorëve është Mirel Mërtiri, Klodian Zoto është nënpunës i tij, Stela Gugallja është bashkëjetuese e Mirel Mërtirit. Funksionarë publik, të cilët e kishin kundërshtuar, fillojnë dhe firmosin. Përgjigja e komisionit hetimor, SPAK, medias e qytetarëve duhet kërkuar në lidhjet e drejtëpërdrejta me politikanët. Unë i kërkoj Drejtorit të Përgjithshëm të Policisë që të vendosë në dispozicion lëvizjet e shtetasve, Arben Ahmetaj, Damian Gjiknuri, Mirel Mërtiri e Klodian Zotos?, tha Tabaku./ A.E-CNA.al