E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Nga qëllimi i Bashës tek zgjedhjet në PD/ Ibsen Elezi flet “pa doreza”

9 Mars 2022, 17:41, Politikë CNA

Ish kreu i PD-së së Kukësit Ibsen Elezi ka komentuar situatën në PD, pas humbjes katastofike që mori Lulzim Basha në zgjedhjet e pjesshme vendore të 6 marsit.

Në një intervistë për CNA.al, Elezi tha se Basha është një person i futur me qëllim shkatërrimin e PD.

Ai foli më tej edhe për emrin e duhur që duhet të marrë drejtimin e PD-së, duke i qëndruar fjalës së tij, se zgjedhjet e brendshme janë e vetmja zgjidhje.

Intervista e plotë:

-Zoti Elezi, pas zgjedhjeve të pjesshme vendore Lulzim Basha shënoi një dështim tjetër në karrierën e tij politike, ku jo vetëm nuk arriti të merrte asnjë bashki, por doli i fundit tek të 6 bashkitë. A mendoni se ka ardhur momenti që Basha të japë dorëheqjen dhe të hap rrugën për garë në parti?

Së pari nuk ndaj të njëjtin mendim me ju se z.Basha shënoi dështimin e rradhës, ashtu siç edhe e vetëdeklaroi në media, ai s?ka patur asnjë humbje dhe kjo është mëse e saktë. Zoti Basha është tejet i sinqertë në atë që thotë, ata që e quajnë deklarimin e tij si të njeriut të sëmurë, në fakt janë vetë të tillë.

Në tetorin e viti 2018, në një dokument të publikuar bashke me Av.Altin Goxhaj kemi paraqitur argumenta të shumtë se z.Basha është një person i futur me qëllim shkatërrimin e PD, pra qëllimi i tij në thelb është që PD mos të fitoj zgjedhjet.

Përsa i perket “dorëheqjes, unë jam në Kuvendin e 11 dhjetorit dhe nuk mund të kërkoj dorëheqjen një të shkarkuari me shumicë nga Kuvendi dhe Referendumi.

-Nga ana tjetër ish kryeministri Sali Berisha arritit të ?rrëmbente? një nga bashkitë e mëdha, atë të Shkodrës?

Nuk mendoj se është fjala e duhur “të rrëmbente”, Grupi Rithemelimit dhe demokratët e Shkodrës bënë detyrën, ndonëse në një situatë të vështirë.

-Si i shikoni akuzat e atyre që deri dje kanë qenë në krah të Bashës, e sot i kanë dalë kundër? Mendoni se është një skenar?

Po i ndaj në dy grupe ata krah Bashës, para dhe pas 6 marsit.

Grupi i parë është G29 , mendoj se akuzat dhe qëndrimet e tyre ndaj Bashës ishin të vonuara.

Grupi i dytë pas 6 marsit janë njerzëit besnik të tij që e tradhëtuan, këta janë si puna e minjve që braktisin anijen në mbytje.

-Kush është rruga që të bashkohen demokratët?

Rruga e bashkimit e vetme është gara me rregulla dhe e gjithëpranuar.

-Zoti Berisha në një dalje të tij, nuk e mohoi faktin për rikthim në krye të PD. A keni një koment për këtë?

Është e drejta e tij që të garojë, pastaj rikthimin e vendos gara dhe vota e demokratëve.

Thjesht më çudit amatorizmi politik i atyre që kërkojnë që ai mos të garojë.

-Kë shikoni si personin ideal për të marrë drejtimin e PD?