web counter
LEXO PA REKLAMA!

SHKARKO APP

App Store
Google Play

“Me kë jemi në luftë more maskarenj?!”/ Nuk përmbahet ish-ministri: Armiku jemi ne

9 Mars 2022, 14:03, Politikë CNA

Ish-ministri i Drejtësisë, Ylli Manjani i është drejtuar me tone të forta kryeministrit Edi Rama dhe kryetarit të shkarkuar të PD, Lulzim Basha.

Në një postim në rrjetet sociale, Manjani komenton deklaratat e Ramës, i cili thotë ?Jemi në luftë?, ndërsa Basha thotë se ?Beteja sapo ka filluar.

Sipas Manjanit, në 70 vitet e fundit shqiptarët nuk kanë luftuar me aakënd tjetër përveç se me veten, me njëri-tjetrin.

Po ashtu Manjani thekson se lufta është mjeti politik perfekt për të sunduar. Vëri njërëzit në luftë me njëri-tjetrin dhe sundo sa e si të duash.

Më tej, ai shkruan se armiku jonë është vetja jonë.

?Jemi në luftë?- thotë Bosi.

?Beteja/lufta sapo ka filluar?- ja pret kingu matrapaz.

Me kë jemi në luftë more maskarenj?!

Në 70 vitet e fundit shqiptarët nuk kanë luftuar me aakënd tjetër përveç se me veten, me njëri-tjetrin. Luftuan kulakët, tregtarët, pasunarët, fetarët, shfaqet e huaja, konservatorët, mendimtarët, fukarenjtë, të dobëtit, të vobektit, kundërshtarët politikë. Kemi luftuar madje edhe ndaj rehatisë personale!!!

Shkurt luftuam me veten, kundër njëri tjetrit.

Luftuan ata pra nesh e luftojmë edhe ne sot me ftesë të udhëheqësve politikë.

Luftë, luftë, luftë, luftë, luftë?. E prap luftë!!!

Luftë edhe me tërmetin e virusin. Jemi në luftë edhe me luftën e dynjasë!!!

Lufta është mjeti politik perfekt për të sunduar. Vëri njërëzit në luftë me njëri-tjetrin dhe sundo sa e si të duash.

Ky është kuptimi në shqip i fjalës luftë.

Kush na fton në luftë do të na sundojë.

Kam frikë se edhe ne nuk e njohim normalen? Nuk jetojmë dot pa luftë?

Edhe kur votojmë shkojmë në luftë?

Nëse nuk heqim dorë nga lufta me njëri-tjetrin, do sundohemi. Nga Enveri tek Edvini kështu na ka ndodhur.

Armiku jonë është vetja jonë!?-shkruan Ylli Manjani./CNA.al





Lajmet e fundit nga