E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Misioni i shkatërrimit të PD-së vazhdon…

9 Mars 2022, 11:53, Politikë CNA

Opozita shqiptare, Partia Demokratike si themeli i saj, ndodhen në një krizë të thellë.

Për ata që janë më optimistët, duket se gjithçka do të kalojë. Duhet të largohet Basha, Berisha dhe PD-ja të ecë përpara.

Por, realitetit është krejt ndryshe.

Së pari, Lulzim Basha në misionin e tij për shkatërrimin e PD-së po ecën përpara. Nuk po ndalet. Mjafton që atij t?i ngelet një copë e saj. Për këtë ai ka përdorur në tetë vite shumë strategji. Që nga përjashtimet, sulmet apo akuzat, shpifjet, fyerjet, rikthimet, skenarë, skema, gjithçka që ta bënin lider.

Në fakt, nuk u bë dot kurrë i tillë, por ngeli thjeshtë një njeri i vogel, në një karrige plot me para të cilat shtoheshin në xhepat e bizneseve të kunatit të tij.

Misioni për shkatërrimin e PD-së vazhdon, jo vetëm nga Basha, por dhe nga ata që i rrinin nga pas.

Nga Grida Duma, e cila pak javë më parë e nxirrte Lulzim Bashën të pafajshëm, megjithëse kishte humbur të gjitha zgjedhjet që ditën që ishte bërë kryetar i PD-së.

Nga Ervin Salianji, i cili me një hu në dorë iu vërsulej demokratëve në 8 Janar, të cilët kërkonin të hynin në selinë e tyre të blinduar nga Basha.

Nga Ferdinand Xhaferraj, kllouni i politikës që ikën sa andej-këndej, që kërkon të luajë rolin e liderit, derisa mori së fundi një mandat deputeti.

Nga Enkelejd Alibeaj, i cili nuk po flet dhe mban pesë poste në PD.

Nga Jorida Tabaku, e lejeve të ndërtimit me oligarkë, të firmosura nga Erion Veliaj, e cila është fshehur dhe përpiqet që situata të kalojë ndryshe.

E kështu me radhë nga të gjithë ata servila që i shërbyen Lulzim Bashës këto tetë vite, pa parë të vërtetën në sy, se PD-ja duhej të hapej, që duhej të reflektonte dhe të pranonte të vërtetën, të pranonte çdo kontribut, të shikonte rezultatin dhe të korrigjonte. Jo të përjashtonte, jo të mbyllej dhe jo të ngelej peng i një personi.

Në fakt të gjithë këta që kanë qënë pas Lulit janë thjeshtë misionarë. Kryemisionari i tyre është Lulzim Basha, që ata e donin në krye. E mbronin Lulzim Bashën, të cilin donin ta mbanin në krye të PD-së.

Në fakt misioni final ishte shkatërrimi i Partisë Demokratike.

PD-ja ndoshta tashmë e bëri ciklin. Tani duket e vështirë të ketë kthim pas. Edhe për më optimistët që mendonin se rikthimet mund të zgjidhnin gjithçka, e vërteta është krejt ndryshe.

Janë përplasje pa fund të qindra e qindra individëve. Të elitës së partisë, të drejtuesve të saj, të cilët janë konfliktuar, përplaur, ndarë dhe vështirë se çarje kaq të thella mund të mbyllen me një rikthim, apo me një proces bashkimi.

Gjithmonë do të ketë ?thika pas shpine?, ashtu siç ka pasur edhe dje, por jo publike. Do të jenë ?nën rrogoz?.

Partia Demokratike, një proçes bashkimi apo rithemelimi mund ta ketë thjeshtë dhe vetëm duke pasur një tjetër vizion, i cili duhet të pranohet nga të gjithë faktorët. Por, është e vështirë me realitetin politik në Shqipëri, me mentalitetin politik të kastës në vend, të ketë një proçes që do jetë ndryshe nga ajo që shohim çdo ditë.

Prandaj, dhe misionii shkatëtrrimit, duket se po përmbyllet me sukses.

Ndërtimi apo rindërtimi i një opozite të re, ngelet një mision deri tani dukshëm i pamundur. Do të ketë Opozitë, mund të ketë bashkim koalicionesh, Berisha mund të bëjë shumë, por kurrë në sfond nuk do të gjejmë një grupim solid që ngre dallgët për të përmbysur Qeverinë.

Por, një Opozitë e cila me proçesin që po kalon, me misionarët e shkatërrimit nga pas, të cilët tashmë kanë marrë flamurin e shpëtimtarit, do të sjellë vetëm qëndrimin më jetëgjatë të Edi Ramës në pushtet.

Ende nuk ka dritë në fund të tunelit. Por, ka misionarë që po kërkojnë të shkatërrojnë më tej Partinë Demokratike./CNA.al

Bardh Spahia fitoi Bashkinë Shkodër/ Këlliçi: U shpëtua pluralizmi politik, çfarë tregoi Shtëpia e Lirisë

Video-?Ti je i pafajshëm?/ Grida Duma ?kapërcen Ylberin?, i vërsulet Lulzim Bashës

50 hijet e Lulzim Bashës