Video-Ish ambasadori i Kosovës/ “Si gënjente Basha, Ministër i Jashtëm”

9 Mars 2022, 10:12, Politikë CNA

Ish-ambasadori i Shqipërisë në Kosovë, diplomati Islam Lauka, ka nxjerrë me fakte gënjeshtrat e Lulzim Bashës.

I ftuar në studion e emisionit ?Pushteti? nga Juela Meçani, Lauka ka thënë se do të ishte fatkeqësi kombëtare që Lulzim Basha të bëhej kryeministër.

Sipas tij, Basha është nga ata njerëz që nuk ka këllqe, nuk ka gjunjë për të përballuar problemet e shtetit.

?Nuk e ka stofin e burrit të shtetit. Ai është frikacak dhe nuk merr dot përsipër gjërat më elementare jo problemet madhore të shtetit?, ka thënë Lauka, i cili më tej ka treguar rastet kur Basha ka gënjyer dhe mashtruar.

?Po të sjell një shembull. Unë kam drejtuar bisedimet shtetërore me delegacionin grek për varrezat. Ishin dy dosje.

Ky kryesonte detin dhe tjetrin e kryesoja unë. Unë kam hyrë në bisedime dhe i kam përfunduar pa platformë, pa një vendim politik.

E kam bërë unë platformën por nuk e miratonte sepse kishte frikë të firmoste këtë dokument. Ai në atë kohë ka qenë i akuzuar për Rrugën e Kombit. Nuk e di çfarë kishte firmosur disa dokumente dhe kishte alergji nga firma dhe s?vinte firmë.

Kanë vazhduar bisedimet dhe kanë përfunduar mirë (bisedimet për varrezat), ndërsa çështja e detit u hodh në Gjykatë Kushtetuese dhe pastaj u shfuqizua?, ka treguar Lauka.

Një tjetër mashtrim i Bashës në kohën që ishte Ministër i Jashtëm ka të bëjë me emërimin e ambasadorit në Kosovë, pas shpalljes së Pavarësisë atje.

?Kam një përvojë personale shumë negative. Në vitin 2008 kur u shpall pavarësia e Kosovës, ka qenë ditë e diele, 17 shkurti, të hënën u mblodh Qeveria se duhej caktuar ambasadori.

Unë pata afatin që u caktova ambassador, por pas pak ditësh u bllokua dosja ime dhe ky zotëria (Lulzim Basha) që e kisha epror e pyesja si.. Më ka mashtruar një vit, më ka gënjyer ballë për ballë, se nuk ka turp, ai nuk ka fytyrë dhe më thoshte e ka bllokuar Presidenti Bamir Topi.

Atje kisha njerëz që i pyesja dhe më thonin se nuk kemi bllokuar gjë.

Derisa bën vizitë zyrtare në Kosovë, në Janar të 2009, dhe aty i bëjnë pyetje gazetarët se pse nuk vjen ambasadori i Shqipërisë.

Nuk më ka ardhur dosja, tha dhe të nesërmen u detyrua unë shkova në parlament dhe vazhdova. Një vit më ka gënjyer dhe mashtruar.

Ky njeri mashtrues që s?mban përsipër asgjë?, është shprehur më tej Lauka./CNA.al