web counter
LEXO PA REKLAMA!

SHKARKO APP

App Store
Google Play

E fundit!

x

Vrau dy të moshuarat në Devoll/ Kapet autori, zbardhet shkaku i ngjarjes së rëndë

5 Mars 2022, 15:43, Kronika CNA

Dy të moshuara, nusja dhe vjehrra 60 dhe 80 vjeç janë gjetur pasditen e sotme të pajeta nga kryeplaku i fshatit në Progër të Devollit.

Pak orë pas ngjarjes së rëndë, policia ka bërë të mundur identifikimin dhe kapjen e autorit të dyshuar për vrasjen e dy të moshuarave.

Në një njoftim për media, policia bën me dije se 36 vjeçari me iniciale A.Z kishte hyrë në banesën e viktimave për të vjedhur por pasi ka hasur rezistencën e tyre, ai i ka dhunuar duke u shkaktuar edhe humbjen e jetës.

?Devoll

Policia identifikon dhe  kap në kohë rekord, autorin e dyshuar të vrasjes së dy shtetaseve në fshatin Progër.

Shërbimet e Komisariatit të Policisë Devoll, në bashkëpunim me strukturat për Hetimin e Krimit në Drejtorinë Vendore të Policisë Korçë dhe Forcat e Posaçme “Shqiponjat”, pas njoftimit të marrë se në fshatin Progër, Devoll, ishin gjetur të pajeta dhe me shenja dhune në banesën e tyre shtetaset F. B., dhe B. B., menjëherë kanë shkuar në vendin e ngjarjes.

Falë reagimit të menjëhershëm, veprimeve të shpejta profesionale dhe hetimore, krehjes së zonës dhe informacioneve të siguruara në rrugë operative, shërbimet e Policisë bënë të mundur kapjen dhe arrestimin në flagrancë të autorit të dyshuar të ngjarjes, shtetasin A. Z., 36 vjeç, banues në fshatin Progër.

Ky shtetas dyshohet se ka hyrë për të vjedhur në banesën e viktimave dhe kur ka hasur në rezistencën e tyre, i ka dhunuar ato me sende të forta duke ju shkaktuar vdekjen.

Grupi hetimor ndodhet në vendngjarje dhe nën drejtimin e Prokurorisë po vijon punën për sqarimin e plotë të rrethanave të ngjarjes?, njofton policia./E.K-CNA.al

E rëndë në Devoll/ Nusja dhe vjehrra gjenden të pajeta në banesë, dyshimet e para





Lajmet e fundit nga