web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 6 Marsit/ Celibashi: Kushtet e motit vështirësojnë shpërndarjen e bazës materiale në dy zona në Shkodër

4 Mars 2022, 10:51, Politikë CNA

Kreu i KQZ, Ilirjan Celibashi, ka ndarë informacionet në liudhje me procesin për zgjedhjet e pjesshme vendore, që do të mbahen këtë të dielë në 6 bashki: Durrës, Vorë, Lushnje, Dibër, Rrogozhinë dhe Shkodër.

Për shkak të kushteve atmosferike, Celibashi u shpreh se janë dy zona në Shkodër ku janë hasur probleme me shpërndarjen e bazës materiale për shkak të kushteve atmosferike.

Kryetarja aktuale e Bashkisë Shkodër, Voltana Ademi ka bërë kërkesën për zhvendosje të tyre por kjo nuk mund të bëhet për sa kohë ligji nuk e parashikon.

Sipas Celibashit ligji imponon edhe KQZ, po ashtu edhe komisionerët që të marrin masa për të përmbushur detyrimet në ditën e zgjedhjeve.

?Kemi shpërndarë bazën materiale në të gjitha KZAZ me përjashtim të një KZAZ-je në Shkodër ku shpërndarja do të bëhet sot. Mund të kemi problem në disa njësi administrative të Shkodrës për shkak të zonave të thella. Kemi pasur një kërkesë nga ana e Volta Ademit për shkak të aksesit në rrethinat e Shkodrës.

Kjo kërkesë ka qenë e arsyeshme por për sa kohë nuk gjeti mbështetje në ligj nuk e kemi pranuar. Vlerësojmë se edhe pse ishte e arsyeshme si kërkesë, ne nuk mund të miratojmë zhvendosjen e tyre gati 50 km nga vendi ku janë aktualisht. Ky është një problem i ligjit që do duhet ta adresojë reforma e pritshme zgjedhore. Problematika mbetet për dy zona të thella të Bashkisë së Shkodrës. Ka qenë problem edhe Boga edhe Thethi, por aty rruga është e hapur dhe ne mund të bëjmë shpërndarjen e bazës materiale.

Në dy zonat e tjera mund të kemi problem edhe me vendosjen në funksion të Komisioneve të qendrave të votimit. Kjo situatë na imponon edhe ne si KQZ për të gjetur të gjitha mënyrat e mundshme për të transportuar bazën material dhe komisionerët që të marrin masa për të përmbushur këtë detyrim të ligjit. Ne do të marrim masat që të mos kemi problem që lidhen me administrimin e procesit zgjedhor. Në lidhje me procesin e votimit elektronik në Vorë, sot në 14:00 KQZ do të zhvillojë procesin e testimit operacional?,shtoi Celibashi./ A.E-CNA.al





Lajmet e fundit nga