web counter
LEXO PA REKLAMA!

SHKARKO APP

App Store
Google Play

Trajneri i Sauthamptonit: Broja një rrezik për çdo kundërshtar

4 Mars 2022, 07:59, Sport CNA

Armando Broja është kthyer përsëri të bëjë diferencën me skuadrën e Sauthempton, duke lënë pas dy ndeshje të fundit në hije. Ai hyri në fushën e lojës ndaj Uest Hem dhe fitoi penallti e më pas shënoi gol, duke ndihmuar ekipin e tij të kualifikohej në Kupën FA.

Një lajm i mirë padyshim për trajnerin Ralf Hasenhutl, i cili sheh Brojën si një forcë ofensive të rëndësishme për të. Ai e shprehu këtë gëzim pas sfidës, ndërsa nuk ngurroi të bënte humor me faktin se Broja nisi të bënte diferencën pasi mori një shkelm në fytyrë nga kundërshtarët.

?Kjo është ajo që duhet të bëjë një zëvendësues duke hyrë në fushë, duhet të kesh këtë impakt në lojë. Edhe herën e kaluar ndaj Uest Hem ai ishte një rrezik i madh për ta dhe këtë radhë ishte e njëjta gjë, i pëlqen të luajë kundër tyre.

Pas dy ndeshjeve të fundit jo edhe aq perfekte, ishte përsëri një paraqitje e mirë. Ka ende ndeshje ku ndoshta i duhet pak më shumë kohë. Por mendoj se ai ishte pak i inatosur duke marrë një shkelm në fytyre dhe nëse kjo është ajo që i nevojitet, le të marrë të tillë?, tha tekniku i Sauthempton me humor.





Lajmet e fundit nga