web counter
LEXO PA REKLAMA!

SHKARKO APP

App Store
Google Play

"Do t'i mundim k*rvat", Bajrami: Na ofenduan. Gjyqtari dënoi të gabuarin

4 Mars 2022, 07:32, Sport CNA

Mbrojtësi i Skënderbeut, Melos Bajrami, ishte një nga protagonistët e sherrit që përfshiu pragndeshjen mes Kastriotit dhe Skënderbeut në stadiumin e Kamzës. Bajrami u ndëshkua me karton të kuq pa nisur ende ndeshja. Në prononcimin pas ndeshjes, ka denoncuar dhunën ndaj tij pa hyrë mirë në stadium dhe më pas në tunelin e stadiumit të Kamzës, kur skuadrat po bëheshin gati për fillimin e takimit. Për ?Panorama Sport?, Bajrami sqaroi çfarë ndodhi para fillimit të ndeshjes.

?Jam shumë i befasuar me atë që ndodhi, pasi gjithçka nisi që në momentin kur zbritëm nga autobusi. Në momentin që iu drejtuam stadiumit, pesë lojtarë të Kastriotit u afruan dhe më kapën prej fyti dhe më ofenduan. Nuk e di pse gjithë ky inat i mbledhur, por ndoshta vjen prej ndeshjes së kaluar që ne fituam në Korçë.

?Në atë moment ndërhynë shokët dhe për momentin u qetësua situata. Kryem normalisht nxehmjen, shkuam në dhoma dhe pasi morëm këshillat e trajnerit, u bëmë gati të dilnim në tunel për të nisur ndeshjen. Në momentin që ishim në korridorin e stadiumit, bashkë me arbitrat, nisën provokimet nga lojtarët e Kastriotit, duke thënë:

?Hajde se do t?i mundim këta k?vat?. I prekur nga ofendimet, iu drejtova shokëve: ?Djema sot fitojmë ne, sepse këta nuk kanë asgjë më shumë?. Erdhi kapiteni Neziri dhe më goditi në pjesën e fytyrës, që e kam edhe të çarë.?

?Pas goditjes bie në tokë. Më pas nuk e kuptova se si kryesori nuk ndëshkoi Nezirin, por Didën. Më qesharake ishte që më ndëshkoi edhe mua me karton të kuq. Unë u godita dhe nuk kam bërë asnjë reagim tjetër apo ofendim?, ka sqaruar Bajrami.





Lajmet e fundit nga