web counter
LEXO PA REKLAMA!

SHKARKO APP

E fundit!

x

Vjen shansi, Etrit Berisha do luajë titullar te Torino

3 Mars 2022, 20:28, Sport CNA

Vjen momenti i Etrit Berishës, te Torino. Dëmtimi i portierit serb, Vanja Milinkoviç-Saviç, duket se i ka hapur rrugën gardianit të Kombëtares shqiptare, i cili me shumë gjasa do të gradohet titullar, në sfidën e fundjavës ndaj Bolonjës.

Mediat italiane pranë klubit ?granata?, raportojnë se portieri Milinkoviç-Saviç ka pësuar së fundmi një dëmtim në gishtin e madh të dorës së majtë, gjatë stërvitjes, kësisoj trajneri Juriç do t?i besojë vendin e titullarit, Berishës.

Hera e fundit që 33-vjeçari shqiptar u aktivizua titullar me Torinon, ishte në dhjetorin e vitit të kaluar, në ndeshjen e Kupës së Italisë, kundër Sampdorias. Tashmë Berisha ka shansin e artë për të fituar njëherë e përgjithmonë vendin e titullarit te Torino dhe për të ulur në stol portierin serb.

Portieri nga Prishtina, u huazua verën e kaluar nga Spal te Torino, me klubin e Serie A që ka mundësinë të blejë për shumën e 300 mijë eurove.





Lajmet e fundit nga