web counter
LEXO PA REKLAMA!

SHKARKO APP

App Store
Google Play

“Play Off” i Kupës së Botës, Polonia refuzon përballjen me Rusinë, reagon presidenti dhe Lewandowski

26 Shkurt 2022, 11:15, Sport CNA

Polonia refuzon të luajë ?Play Off? e Kupës së Botës ndaj Rusisë. Duke parë ngjarjet e fundit dhe pushtimin e Ukrainës, janë të shumta shtetet që ka vendosur sanksione ndaj Rusisë, ndërsa një prej tyre është edhe Polonia që ka dënuar agresionin rus.

Përmes një postimi në faqen zyrtare, pak ditë më parë, Federata polake i kërkoi FIFA-s që të përjashtoi Rusinë nga kualifikueset, ndërsa së fundmi presidenti i Federatës polake, Cezary Kulesza shkruan se nuk dëshirojnë të luajnë ndaj Rusisë.

?Nuk ka më fjalë, koha për të vepruar! Për shkak të përshkallëzimit të agresionit të Federatës Ruse ndaj Ukrainës, kombëtarja polake nuk ka ndërmend të luajë ndeshjen play-off kundër Republikës së Rusisë. Ky është i vetmi vendim i duhur. Jemi në bisedime me federatat suedeze dhe çeke për të sjellë një qëndrim të përbashkët në FIFA?, shkruan Kulesza.

Pas deklaratës së presidentin polak, ka reaguar edhe kapiteni i Kombëtares, Robert Lewandowski.

?Vendimi i duhur! Nuk mund ta imagjinoj të luaj një ndeshje me kombëtaren ruse në një situatë kur agresioni i armatosur në Ukrainë vazhdon. Futbollistët dhe tifozët rusë nuk janë përgjegjës për këtë, por ne nuk mund të pretendojmë se asgjë nuk po ndodh?, shkruan Lewa.

Kjo ndeshje është programuar të zhvillohet më 26 mars, por Kombëtarja polake nuk dëshiron të përballet me rusët dhe do të refuzojnë të luajnë këtë ndeshje.

Tashmë ngelet për t?u parë se cili do të jetë qendrimi i UEFA-s dhe FIFA-s për këtë vendim nga Polonia, ndërsa kujtojmë që dje UEFA hoqi finalen e Champions League nga Rusia si dhe vendosi që ndeshjet europiane të Rusisë dhe Ukrainës, por edhe Kombëtaret e tyre të luajnë në një fushë netruale.





Lajmet e fundit nga