Inzaghi: Topi nuk do të shkojë në rrjetë, barazim i hidhur për Interin tim

26 Shkurt 2022, 08:30, Sport CNA

Interi u ndal sërish në Serie A dhe këtë herë barazoi në transfertë kundër Genoa. Trajneri Simone Inzaghi kishte shumë keqardhje për rezultatin dhe në Sky Sport Italia deklaroi: ?Natyrisht rezultati të lë shijë të hidhur. E dinim se mund të kishim një sjellje më të mirë në fushë, se Genoa është në formë dhe në 20 minutat e para na shkaktoi probleme.

Pas atyre minutave sigurisht që ne meritonim më shumë. Ashti si javën e shkuar kundër Sassuolo, ne patëm 20 goditje në portë dhe nuk shënuam. Sa duket duhet të punojmë më mirë, pasi është vetëm një moment i keq dhe nuk duhet të dorëzohemi. Pashë paraqitjen e duhur të djemve dhe duhet vetëm të kthehemi te fitoret?.

?Genoa nuk ishte e lehtë për t?u thyer, por ne u futëm në zonën e tyre të penalltisë 37 herë, patëm 20 goditje, goditëm traversën, kishte edhe raste të tjera që mund të shkonin në rrjetë dhe të kalonim në avantazh. Sa duket ajo që po bëjmë tani nuk është e mjaftueshme për të fituar ndeshjet dhe duhet të bëjmë më shumë?.

?Asnjë nga gjashtë skuadrat e para nuk fitoi javën e kaluar. Ka një lodhje për të gjitha në këtë fazë të sezonit dhe është pak e çuditshme. Ndoshta duhet të kishim vrapuar më shumë dhe të punonim më me zgjuarsi, jo thjesht fort?.

?Genoa po bënte presing shumë dhe fusha nuk ishte në gjendjen më të mirë. Në fillim të sezonit ne po shënonim një gol në çdo pesë korne. Këtë herë patëm 14 të tilla dhe nuk e çuam topin në rrjetë. Është vetëm një moment nga ato kur topi nuk do të shkojë në portë. Ne e dimë që ndeshjet vendosen nga episodet dhe nuk jemi me fat për momentin?.

?Është zhgënjyese për tifozët, të cilët na mbështetën nga minuta e parë deri në të fundit. Gjithsesi ndjej që ata janë krenarë për atë që po bëjmë këtë sezon. Kemi fituar Superkupën, jemi në garë për titullin, në raundin e 16-të të Champions League dhe në gjysmëfinalen e Kupës së Italisë?, tha Inzaghi.