Vëllezërit Klitschko betohen për luftë: Jemi të detyruar të mbrojmë vendin tonë

25 Shkurt 2022, 13:48, Sport CNA

Ish-kampioni i boksit në peshat e rënda, Vitali Klitschko tha se do të merrte armët së bashku me vëllain e tij dhe kolegun e Hall of Fame, Ëladimir Klitschko për të luftuar në atë që për të është një ?luftë e përgjakshme? pas pushtimit rus të vendit të tyre, Ukrainës.

Rusia nisi pushtimin e saj nga toka, ajri dhe deti të enjten pas shpalljes së luftës nga presidenti Vladimir Putin. Rreth 100,000 njerëz janë arratisur pasi shpërthimet dhe të shtënat me armë kanë tronditur qytetet kryesore. Raportohet gjithashtu se deri më tani ka dhjetra viktima.

Vitali Klitschko, i cili është kryebashkiaku i kryeqytetit të Ukrainës, Kiev që nga viti 2014, tha se ishte gati të luftonte.

?Unë nuk kam zgjidhje tjetër, duhet ta bëj këtë. Do të luftoj,? tha 50-vjeçari, i gjatë një interviste për median britanike ITV në Good Morning Britain.

Vitali Klitschko tha se Kievi ishte nën kërcënim dhe prioriteti kryesor ishte të punonte me policinë dhe forcat ushtarake për të mbështetur infrastrukturën kritike, duke përfshirë shpërndarjen e energjisë elektrike, gazit dhe ujit për qytetarët e saj.

Ai shtoi se civilët ishin gati të mbronin Kievin si ushtarë.

?Unë besoj te Ukraina, besoj te vendi im dhe besoj te populli tim?, tha Vitali Klitschko.

Ish-kampioni i peshave të rënda Wladimir Klitschko u regjistrua në ushtrinë rezervë të Ukrainës në fillim të këtij muaji, duke thënë se dashuria për vendin e tij e detyroi ta mbronte atë.

?Populli ukrainas është i fortë. Dhe do të mbetet besnik ndaj vetes në këtë sprovë të tmerrshme. Një popull që dëshiron për sovranitet dhe paqe. Një popull që e konsideron popullin rus vëllezër të tyre,? shkroi ai në një postim në LinkedIn të enjten.

?Ajo e di se ata në thelb nuk e duan këtë luftë. Populli ukrainas ka zgjedhur demokracinë. Por, demokracia është një regjim i brishtë. Demokracia nuk mund të mbrohet, ajo ka nevojë për vullnetin e qytetarëve, përkushtimin e të gjithëve. Në thelb, nuk ka demokraci pa demokratë?, shkroi më tepër Klitschko.