web counter
LEXO PA REKLAMA!

SHKARKO APP

App Store
Google Play

Bombardimet në Ukraninë/ Basha dhe Kryemadhi: Dënojmë agresionin rus

24 Shkurt 2022, 08:52, Aktualitet CNA

Politika në Shqipëri ka reaguar pas bombardimeve të Rusisë në Ukrainë.

Lulzim Basha shkruan se dënon ashpër agresionin rus dhe iu ka bërë thirrje OKB, NATO-s dhe BE-së për një reagim të shpejtë, të bashkuar dhe të forta ndaj këtij akti lufte kundër lirisë dhe sovranitetit të Ukrainës.

?Ne dënojmë ashpër agresionin ushtarak të Rusisë kundër Ukrainës, një shkelje e rëndë e ligjit ndërkombëtar. Ne qëndrojmë pranë popullit të Ukrainës ndërsa ata përballen me kërcënime për jetën e tyre nga agresioni i paprovokuar rus.

Ne bëjmë thirrje dhe mbështesim një reagim të shpejtë, të bashkuar dhe të fortë nga OKB, NATO dhe BE kundër këtij akti lufte kundër lirisë dhe sovranitetit të Ukrainës dhe kundër paqes dhe stabilitetit në Evropë dhe më gjerë?, shkruan Basha në Tëitter.

Ndërsa edhe kryetarja e LSI, Monika Kryemadhi, ka shprehur solidaritetin e plotë me Ukrainën dhe popullin e saj.

?Në emër të Lëvizjes Socialiste për Integrim shpreh solidaritetin e plotë me Ukrainën dhe popullin e saj. Ne dënojmë me forcë sulmin brutal nga forcat militare të Rusisë mbi ta, dhe qëndrojmë të vendosur me aleatët dhe partnerët tanë në NATO dhe BE, për një përgjigje të përbashkët dhe definitive, që garanton paqen dhe sigurinë e popullit të Ukrainës dhe botës?, shkruan Monika Kryemadhi./A.E-CNA.al





Lajmet e fundit nga