web counter
LEXO PA REKLAMA!

SHKARKO APP

App Store
Google Play

“Ka nisur përmbysja e regjimit Rama”/ Bylykbashi: 6 marsi, ditë historike

23 Shkurt 2022, 16:47, Politikë CNA

Deputeti i Partisë Demokratike Oerd Bylykbashi ka qenë në zonën e Spitallës në Durrës, ku ka shoqëruar ish kryeministrin Sali Berisha për të prezantuar Ardian Mukën si kandidat për kryetar bashkie.

Gjatë fjalës së tij para qytetarëve të Spitallës, Bylykbashi deklaroi se 6 marsi është ditë e rëndësishme historike.

Ai theksoi se duhet që të gjithë të kthejmë shpresën e qytetarëve, të cilën e ka zhdukur qeveria Rama.

?6 marsi është një ditë historike. Duhet të kthejmë shpresën që ka zhdukur qeveria Rama. Adrian Muka ëhstë kandidat që ka dalë nga primaret, është një njeri dinjitoz e do na përfaqësojë me dinjitet të gjithëve. Kjo qeveri hajdute në 8 vjet e ca ka bërë çdo gjë për të grabitur shqiptarët. Marrëveshja Rama-Basha po shkatërron Shqipërinë, nuk kemi nevojë për opozitë false, por opozitë të vërtetë.

Ka nisur përmbysja e regjimit të Edi Ramës. Muka do jetë kryetar i bashkisë. Më 6 mars merr fund qeverisja grabitqare e Bashkisë së Durrësit. Do demonstrojmë se vendi ka opozitë të fortë, më 6 mars do ua kthejmë Durrësin durrsakëve, atyre që kanë lindur këtu e atyre që kanë vendosur që të ndërtojnë jetën e tyre në këtë vend?, u shpreh Bylykbashi./E.K-CNA.al





Lajmet e fundit nga