web counter
LEXO PA REKLAMA!

SHKARKO APP

App Store
Google Play

E fundit!

x

Tensionet Rusi-Ukrainë/ Rama nga Uashingtoni: Jemi pozicionuar në krah të SHBA-së

16 Shkurt 2022, 10:34, Politikë CNA

Kryeministri Edi Rama ka zhvilluar një takim me gazetarët që e shoqëronin në vizitën 4 ditore në SHBA. Teksa iu referua situatës së tensionuar mes Rusisë dhe Bullgarisë Rama tha se nuk mund të qëndrojnë jashtë konfliktit dhe se janë pozicionuar krah SHBA.

Ai shtoi se në Ukrainë aktualisht ndodhen disa misionarë të OSBE, që duhet të qëndrojnë ende atje.

?Nuk kemi probleme të kësaj natyre, i kemi marrë të gjitha masat. Kemi disa shqiptarë që monitorojnë OSBE dhe ata do të qëndrojnë atje. Ne jemi shumë të nderuar dhe shumë të vetëdijshëm për përgjegjësinë e pozicionit të ri që kemi marrë falë pranisë tonë në Këshillin e Sigurimit. Nga ana tjetër, ne dimë shumë mirë vendin tonë, pozitën tonë, qëndrimin tonë, për të gjitha to që kemi të thënë nuk përtojmë t?i themi në kushte e diskutime të brendshme. Në qëndrimet tona publike jemi të njësuar nga SHBA në këtë proces. Është një nder i madh për ne që jemi anëtar të Këshillit të Sigurimit dhe jemi të vetëdijshëm për pozicionin?, tha Rama.

Kryeministri theksoi se Rusia nuk shihet si një vend armik, por një shtet rival për shkak të zhvillimeve gjeopolitike.

?Ne nuk kemi asnjë problem tonin me Rusinë. Rusia nuk është një vend armik. Rusia nuk është një vend kundërshtar. Unë këtë kam thënë në çdo instancë. Rusia nuk është armik i yni dhe as i aleancës tonë. Është një vend konkurrent për arsye të njohura të gjeopolitikës. Besoj që çdo muindësi çdo rast, çdo shans për komunikim duhet shfrytëzuar maksimalisht?, tha Rama./CNA.al





Lajmet e fundit nga