web counter
LEXO PA REKLAMA!

SHKARKO APP

App Store
Google Play

E fundit!

x

“Dyshonim nëse Basha ishte i paaftë apo e bënte me qëllim”/ Ndoka flet për bojkotin e reformës territoriale

15 Shkurt 2022, 21:12, Politikë CNA

Kreu i PDK Nard Ndoka ka komentuar nismën e ndërmarrë nga Lulzim Basha për një Reformë të re Territoriale, e cila ndonëse u bojkotua disa vite më parë, është sjellë sërish në Kuvend bashkëqeverisja Rama-Basha.

Në një intervistë televizive, Ndoka tha se nuk besonte se kjo nismë e ndërmarrë bëhej për interesin e qytetarëve, duke kujtuar se Basha më herët kishte bojkotuar Reformën Territoriale.

Ndër të tjera Ndoka shtoi se në atë kohë kur Basha mori këtë vendim, dyshonin nëse kjo vinte nga paaftësia e tij apo ishte bërë qëllimisht.

?Që t?i biem në kokë, e para gjithmonë na ka munduar ky realitet se Basha është i paaftë dhe i papjekur apo i bën me qëllim, është i marrë peng. Ky ka qenë mendimi i të gjithë aleatëve.

Bojkoti i Reformës Territoriale është diçka skandaloze vendim i shpejtë dhe i pakuptimtë që u mor nga Basha. Tentoi më tepër pazaret dhe papritur bojkotoi Reformën Territoriale. Në atë kohë ne kemi gjykuar se ishte i paaftë dhe i papjekur politikisht për të kuptuar rëndësinë e kësaj reforme. Sot kemi arritur në një stad ku e kuptojmë se ky tashmë si peng detyrohet të nxjerrë justifikime. Basha nuk arriti as standartin e Fatmir Xhafës i cili ishte më i interesuar për të mbrojtur edhe Reformën në Drejtësi që u votua. Ndërsa Pengu Basha e votoi me sy mbyllur pa e analizuar Reformën në Drejtësi.

Jo vetëm që na ka dëmtuar kjo, por ky është shkaku kryesor përse ne kemi humbur. Përjet synimit për të bërë sistemin partiak dypolar, Rama shkoi më tej dhe e bëri sistemin njëpartiak duke blerë liderin e opozitës. Është hera e parë që blihet lideri i opozitës në Shqipëri?, tha ai./E.K-CNA.al





Lajmet e fundit nga