web counter
LEXO PA REKLAMA!

SHKARKO APP

App Store
Google Play

E fundit!

x

“Mega-afera e inceneratorëve”/ Tabaku flet me emra, tregon zyrtarët e përfshirë

15 Shkurt 2022, 09:26, Politikë CNA

Deputetja e PD, Jorida Tabaku ka hedhur sërish akuza të forta në lidhje me koncesionin e inceneratorëve, të cilin e cilëson si një mega-aferë.

Në një postim në rrjetet sociale, Tabaku shkruan se qeveria Rama u vodhi 430 milionë euro shqiptarëve me aferën e inceneratorëve.

Tabaku ka publikuar dëshminë e ish administratorit të inceneratorit të Fierit, Arenc Myrtezani . Ajo thotë se Myrtezani rezulton në tatime se paguhet 900 mijë lekë edhe pse e mohoi një gjë të tillë.

Ajo ngre pyetjen se kush i merr këto para nëse nuk shkojnë te ai ndërsa shton se mjafton ky fakt për të treguar si janë vjedhur paratë e shqiptarëve.

Sipas Tabakut, Arben Ahmetaj, Damjan Gjiknuri, Ëngjëll Agaçi, Alqi Bllako, duhet të ishin me Lefter Kokën, në pranga.

?Përditë dalin dëshmitë, se si qeveria Rama u vodhi 430 milionë euro shqiptarëve me aferën e inceneratorëve.

Përditë shqiptarët që nuk sigurojnë ushqim mjaftueshëm për fëmijët e tyre, po shohin se si paratë e tyre kanë shkuar në xhepat dhe kontot bankare të qeveritarëve të korruptuar.

Administratori i inceneratorit të Fierit, Arenc Myrtezani, rezulton në tatime se paguhet 900 mijë lekë.

Ai e mohoi një pagë të tillë. Po kush i merr ato para?

Mjafton ky fakt për të treguar se si janë vjedhur paratë e shqiptarëve. Se si me bekimin e ministrave e zyrtarëve të tjerë, janë pastruar paratë në këtë mega aferë korruptive.

Arben Ahmetaj, Damjan Gjiknuri, Ëngjëll Agaçi, Alqi Bllako, duhet të ishin me Lefter Kokën. Por natyrisht koka e vërtetë e kesaj vjedhje është Edi Rama.

Asgjë nuk do të ishte e mundur pa dijeninë dhe miratimin e Edi Ramës.

Edi Rama është i korruptuar.

Qeveria e tij është e korruptuar.

Me këta në krye, Shqipëria nuk mund të ketë zhvillim.

Shqiptarët duhet ta braktisin të shkuarën dhe të korruptuarit!?-shkruan Tabaku./CNA.al





Lajmet e fundit nga