Basha në panik nga zgjedhjet/ Vijon sulmet ndaj Berishës

7 Shkurt 2022, 10:32, Politikë CNA

Pas humbjes së turpshme në zgjedhjet e 25 prillit 2021, Lulzim Basha tha se ?beteja sapo ka filluar?.

Në fakt, pas pushimeve të verës, në muajin shtator, kur të gjithë prisnin ?betejen? e Bashës me regjimin e Edi Ramës, në fakt ai betejen e filloi me ish-kryeministrin dhe liderin historik të demokratëve, Sali Berisha.

Në 9 shtator, me një vendim që e mori i vetëm i mbyllur në zyrën e tij dhe i pakonsultuar me strukturat e partisë, Basha përjashtoi Sali Berishën nga grupi parlamentar i PD.

Më pas filloi edhe sulmet ndaj Berishës, por edhe ndaj demokratëve të cilët i quante ?llum?, e të tjera si këto.

Por, tani që vendi po shkon drejt zgjedhjeve të pjesshme vendore, Basha vijon të nxjerrë në pah panikun që ai ka nga vota, nga zgjedhjet.

Dhe i ndodhur në panik nga përballja me zgjedhjet, Basha vijon të sulmojë Berishën dhe kandidatët e koalicionit ?Shtëpia e Lirisë?.

Sot në një takim, Basha vijoi me deklaratat e tij për të ?trekendëshin e Bermudës?.

?Ai mendon se demokratët dhe Partia Demokratike, nuk duhet të ekzistojnë, në qoftë se nuk e mbrojnë atë. Nuk e mbrojnë, nuk kthehen në një strehë. Kundër kujt? Kundër SHBA-ve të cilët e kanë cilësuar ?non grata?. Dhe tani, ka marrë logon e LSI-së, e ka çuar në KQZ, dhe me logon e LSI-së po shëtit në këto 6 bashkitë, që bashkëkryetari tjetër i LSI-së i ka deklaruar, tani u kujtua, 12 muaj para zgjedhjeve lokale të rregullta, ti dekretojë për zgjedhje të pjesshme lokale, duke bërë çfarë? Duke sharë demokratët! Duke sulmuar kandidatët e partisë demokratike! Por nuk sulmon ata që e kanë sjellë Shqipërinë në këtë pikë! Ka marrë këto ditë , dhe në veçanti sot, me dhjetëra, edhe dje, me dhjetëra mesazhe, nga demokratë të zemëruar.

Si ka mundësi që ky njeri, Sali Berisha, të shkojë nëpër këto takime, me kandidatë që i ka nxjerrë me logon e LSI-së, por që kanë kaq turp, saqë nuk e nxjerrin logon e LSI-së? Fakti është që janë kandidatë të LSI-së, por kaq turp kanë që nuk e nxjerrin logon e LSI-së. E para! E dyta! Si ka mundësi që merret me kandidatët e partisë demokratike, që janë nga i pari tek i fundit njerëz përfaqësues të vlerave të demokratëve? Njerëz përfaqësues të komuniteteve të tyre! I sulmon ata, por nuk sulmon as Vangjush Dakon, as Tom Doshin, as Aqif Rakipin, asnjë nga ata! Nuk thotë asnjë fjalë, as për oligarkët, as për bandat. I ka harruar! Kur ka qenë hera e fundit që i ka kujtuar? Jo, i ka harruar! Pse? Dikush tha i duhen! Është më shumë se kaq. Janë bashkë! Ky është Trekëndëshi i Bermudës! Janë bashkë! Janë bashkë për të mbajtur njëri-tjetrin në këmbë! Sepse vetëm duke qenë bashkë, arrijnë ta mbajnë njëri tjetrin, sepse janë një pakicë e papërfillshme, përballë një shumice absolute, e cila iu siguroj që shtrihet përtej radhëve të Partisë Demokratike.?-tha Basha./CNA.al