web counter
LEXO PA REKLAMA!

SHKARKO APP

App Store
Google Play

Ankimimi për koalicionin “Shtëpia e Lirisë”/ KAS “rrëzon” Bashën

7 Shkurt 2022, 09:13, Politikë CNA

Komisioni i Ankimimeve dhe Sanksioneve (KAS) , ka vendosur të mos kalojë për shqyrtim kërkesën e partisë së Lulzim Bashës, për të zhbërë koalicionin ?Shtëpia e Lirisë? për zgjedhjet e pjesshme lokale në 6 bashkitë e vendit.

Kujtojmë këtu se Basha kërkoi mosnjohjen e këtij koalicioni, sepse sipas tij janë perdorur simbolet e saj nga ?Komisioni i Përkohshëm i Rithemelimit? të PD, dhe se ky komision nuk figuron i regjistruar si subjekt zgjedhor dhe as si parti politike.

Sipas PD marrëveshjes i mungon edhe një element tjetër i rëndësishëm që ka të bëjë me përcaktimin e numrit të kandidatëve nga secila parti politike.

Ndërkohë kujtojmë se Komisioni Qendror i Zgjedhjeve vendosi regjistrimin e koalicionit ?Shtëpia e Lirisë? për të garuar në zgjedhjet e pjesshme lokale që pritet të mbahen më 6 mars, por pa ish-kryeministrin Sali Berisha.

Kryekomisioneri Ilirjan Celibashi tha se në garë për 6 marsin me këtë koalicion mund të futen vetëm dy partitë Lëvizja Socialiste për Integrim e kryesuar nga Monika Kryemadhi e Partia Demokratistiane me kryetar Nard Ndokën. Komisioni i Rithemelimit të Partisë Demokratike nuk u pranua për shkak të simboleve që mban që i përkasin Partisë Demokratike.





Lajmet e fundit nga