E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Shoqatat e biznesit, organizma më të korruptuara se partitë

6 Shkurt 2022, 15:18, Aktualitet CNA

Dhoma Amerikane e Tregtisë ka dalë sot me një deklaratë mbi dënimin me burg për ish-Ministrin e Brendshëm, Saimir Tahiri.

Kreu i kësaj Dhome, Enio Jaço shkruan se ky vendim ka ndezur disi sinjalin e parë se Drejtësia në Shqipëri po nis të zgjohet.

Por lidhur me këtë deklaratë, ka reaguar ashpër edhe gazetari Klodian Tomorri, i cili në një postim në rrjetin social Facebook, shkruan se shoqatat e biznesit nuk kanë asnjë lidhje me vendimet që jepen për politikanët, ndërsa i ka cilësuar ato si organizmat më të korruptuara se partitë politike.

Tomorri thekson se shoqatat e biznesit në vendin tonë nuk kanë asnjë reagim për PPP-të, tenderat e koncesionet që jep qeveria, ndonëse sipas tij ato janë abuzive.

Për të shkuar më tej, gazetari shprehet se nuk ka asnjë reagim as për rritjen e çmimit të energjisë, ndërsa deklaratën e Dhomës Amerikane të Tregëtisë në fund e cilëson si një komedi hyjnore.

Postimi i plotë i Tomorrit:

Komedi epike

Po shikoja rastësisht një nga kanalet informative sot, kur del tabela lajm i fundit. Po prisja të shihja c?kishte ngjarë. Lajm i fundit: Presidenti i Dhomës Amerikane të Tregtisë reagon për dënimin e Saimir Tahirit.

Nisa të pyes veten; ç?lidhje ka një shoqatë biznesi me dënimin e ish ministrit të Brendshëm? Ç?punë kanë dhomat e tregtisë që të reagojnë për këtë punë. Aty fillova të mendoj. Po sikur për dënimin e Saimir Tahirit të reagojë edhe ky i kioskës që shet paketa këtu tek lagja ime.

Ky është një vend ku sharlatanizmi ka hedhur rrënjë të thella. Shoqatat e biznesit këtu, të gjitha pa përjashtim, nuk kanë thënë gjysmë fjale kur qeveria jep PPP korruptive që ngarkojnë kosto mbi qytetarët dhe biznesin. Nuk kanë thënë gjysmë fjale, kur qeveria propozon dhe maxhoranca e saj në Kuvend miraton ligje ad personam, të cilat instalojnë monopole korruptive dhe shkatërrojnë konkurrencën në treg.

Më tej akoma, këto janë shoqatat e vetem të biznesit në botë, që nuk u bën përshtypje çmimi i naftës 2 dollarë. Apo që nuk thonë një fjalë kur u dyfishohet çmimi i energjisë brenda dite. Shikoni çfarë po ndodh në Angli dhe Itali me komunitetin e biznesit për energjinë. Por jo. Shoqatat tona të biznesit bëjnë deklarata zyrtare për dënimin e një narkotrafikanti. Komedi. Hyjnore madje.

E vërteta është se shoqatat e biznesit këtu janë organizma më të korruptuar edhe se vetë partitë politike. Kanë sistem kryetarokracie më të rëndë dhe më abuzive.

Shikoni ligjet e taksave. Bëhen rregullime që kënaqin interesat personale të drejtuesve të dhomave dhe u rrasin kosto gjithë bizneseve të tjera. Para një muaji ishte rasti i fundit.

Reagoni për tenderat që paracaktohen, reagoni. Reagoni kur në Parlament hiqet taksa vetëm për një biznes. Reagoni për rryshfetet që kërkohen nëpër tendera. Dhe mos bëni sikur nuk e dini. Se e dini shumë mirë sa paguhet dhe ku paguhet rryshfeti. Ndoshta u ka rënë rasti të paguani dhe vetë madje. Pasi të keni bërë këto, merruni dhe me politikë po deshët. Qesharake./E.K-CNA.al

Tahiri në burg/ Dhoma Amerikane e Tregtisë: Vendimi s?do të thotë se Drejtësia sot është ?perfekte”