E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Basha si Rama/ Përtej të majtës dhe të djathtës

17 Tetor 2016, 16:53, Aktualitet CNA

Kreu i qeverisë aktuale, krye Rilindasi Edi Rama, për të nxitur elektoratin gri, pasi mori drejtimin e Partisë Socialiste hodhi një tezë, Përtej të majtës dhe të Djathtës. Ai kërkonte të largohej nga mbështetësit e Nanos, ta ri identifikonte PS-në, dhe të largohej sa më shumë nga mbetjet ish-komuniste në PS.

Të njëjtën gje në fakt, por për qëllime të tjera po bën edhe kreu demokrat Lulzim Basha. Ky mund të quhet një kopjac i keq, i një origjinali shumë të keq.

Basha po flet për një aleancë kundër qeverisë të krimit dhe drogës. Flet dhe thotë të vijë kush te dojë në aleancën tonë. Në fakt deri sot si ka shkuar askush. Asnjë se beson, asnjë nuk i afrohet. Nuk ka thlb dhe shtyllë kurizore, ideja e tij duket jetime dhe anonime. Ai vetë i pabesueshëm.

Shpresën e shikon duke kërkuar një koalicion si Rama me teza përtej të majtës dhe të djathtës.

Në krah del publikisht me një majtist të thekur si Dritan Shano. Fjalimet e tij gjoja liberale i përgatit një tjetër flitues i së majtës si Preç Zogaj, shkon në koalicion me Agron Duken, ish-ministër i Nanos dhe i plas një komunist sade si kandidat në Kolonjë. Flet për reforma popullore si të ishte socialisti i fundit i mbetur në ballkan. Ndonjëherë edhe Cipras do bëhej xheloz, megjithëse ky i fundit është tjetër standard politikani.

Nuk ka një dalje me të përndjekurit, si lëvizje. Nuk ka një veprim me ish-pronarët, në PD gradohen ish-shërbëtorë dhe flirtues të Ramës dhe Nanos. Opozita duket më shumë si një parti ku kryetari për shkak të deficensave të tij politike, përpiqet të mbajë sa më pranë në elitë personazhe me mangësi cilësore politike dhe intelektuale, morali si vlen më askujt.

Nga njëra anë flet kundër oligarkisë, sejmenët e oligarkëve i bën ?gjeneralë?. Për maturantët e ligjin arsimit të lartë në fund kujtohet të flasë 2 ditë, nuk e çon në Gjykatë Kushtetuese dhe më pas i fyen duke i vënë përballë vartësve të atyre që sponsorizuan ligjin. Fillon betejën tek Liqeni në Tiranë e artikulon si ekzistencë të opozitës, e braktis, hesht për oligarkë si rasti Fullani, atë që thotë sot harron ta vazhdojë nesër. Këto janë pikë uji në oqean.

Ndoshta e vetmja punë është udhëtimi së fundi në disa qytete ku me teorinë përtej të majtës dhe të djathtës, si Edi Rama dje, kreu demokrat po dëgjon lavde për sukseset e partisë dhe drejtuesit e saj të shpartalluar në shumë degë. Ndoshta këtu fillon dhe çuarja përtëj e PD-së, një lloj shpartallimi i vlen vërtet këtij qëllimi, që forca politike konservatore të kthehet një parti proletare.

Një ëndër që ndoshta e shikon fundjavave në Hollandë dhe vjen ta zbatoje aq pak ditë sa qëndron në Tiranë. Përtej të majtës dhe të djathtës afër apo në distancë dështimi është i garantuar, me gjithë bëmat dhe gjëmat e kësaj qeverie./ Citynews