E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

Raporti i KLSH/ Kostoja 29 euro/ton për përpunimin nuk u negociua, Ministria e Financave kundër konçesionit

2 Shkurt 2022, 12:21, Politikë CNA

KLSH në një raport të fundit të performacës mbi kontratën koncesionare për inceneratorin e Tiranës ka konstatuar dhjetra shkelje ligjore, por edhe miliona dollarë abuzime me kontratën.

Sipas të dhënave të raportit rezulton se Bashkia Tiranë prej 3 vitesh po parapaguan shërbimin e trajtimit të mbetjeve, i cili ende nuk kryhet. Janë gati 40 milionë dollarë të paguara nga Bashkia Tiranë dhe qeveria për një shërbim që nuk kryhet, Tirana s?ka incenerator, thjesht është sistemuar me vlera dhjetra milionë dollarë landfilli ekzistues.

Raporti i KLSH thekson se ?si pasojë e mos planifikimit të saktë dhe mos vlerësimit të risqeve të mundshme mbi mundësitë e financimit të Koncensionarit, ekziston risku që kontrata e koncensionit në fjalë të hasë në vështirësi për vijimin e saj në rast se nuk do të arrijë të gjenerojë sasinë e nevojshme të ardhurave të vëna në garanci për kredinë?.

Mësohet se kompania ka marrë dy kredi një afatgjatë dhe një afat mesme, megjithëse në kontratën koncesionare shkruhej se subjekti i kishte të gjitha burimet financiare. Në fakt kompania ishte krijuar pak kohë më parë në Hollandë, dhe mbulohej nga një guackë kompanish. (Lexo këtu)

Kostoja 29 euro/ton për përpunimin nuk u negociua

Në raportin e KLSH zbulohet se kostoja e përpunimit prej 29 euro/ton për përpunimin e mbetjeve nuk është negociuar por është pranuar vlera e ofertuar nga koncesionari.

Sipas KLSH, ?Pavarësisht pjesëmarrjes së anëtarit të Bashkisë së Tiranës në Komisionin e dhënies me koncesion për “Ndërtim landfilli, inceneratori dhe rehabilitimin e venddepozitimeve ekzistuese në Tiranë, propozuar nga operatori ekonomik “Integrated Energy B.V shpk”, për grupin e auditimit nuk vë në dispozicion asnje procesverbal në të cilin fakton negocimin e palëve të përfshira mbi barrën financiare të tarifës koncesionare prej 29 Euro/ton. Kjo tarifë ka rritur shpenzimet e buxhetit të shtetit, nga ku edhe analizat e studimit të fizibilitetit, nuk japin agrumenta të sakta dhe të qarta mbi përballimin e shtimit të kostos së pastrimit për Bashkinë Tiranë si përfituesi kryesor dhe bashkite e Qarkut Tiranë, nëse do të përfshihen pavarësisht mos njoftimit të tyre në fazat e hershme të kontraktimit?.

Raporti i KLSH thellon edhe më tej skandalin ku thekson se ?Duke marrë në konsideratë dokumentacionin e vënë në dispozicion nga subjektet e audituara mund të konkludohet se procedura e planifikimit të këtij projekti ka mungesa dhe paqartësi në lidhje me propozimin paraprak të ardhur në ministri dhe konfirmimin e miratimit paraprak nga ana e Ministrisë së Financave, sipas kërkesave të legjislacionit të kohës?.

Për sa më sipër, vihet re që procesi i studimit dhe planifikimit të këtij investimi eshte bërë i pa mbështetur në politikat strategjike të promovuara nga Ministria e Mjedisit, shkruhet në raport.

Ministria e Financave kundër inceneratorit të Tiranës

Një nga institucionet kryesore që ka kundërshtuar inceneratorin e Tiranës është edhe Ministria e Financave, kjo fillimisht e ka kundërshtuar prokjektin duke e konsideruar problematik për buxhetin e shtetit.

Raporti i KLSH, saktëson se ?mungesa e vendimmarrjes së Ministrisë së Financave dhe Ekonomisë në cilësinë e vlerësuesit dhe miratuesit paraprakisht të gjitha projekteve koncesionare dhe të Partneritetit Publik Privat (PPP), nga pikëpamja e implikimeve fiskale individuale apo në grup për shpenzimet buxhetore, deficitin buxhetor, qëndrueshmërinë e borxhit publik dhe detyrimet kontingjente eventuale, pavarësisht nga modeli i parashikuar i koncesionit/PPP dhe mënyra në të cilën ato janë nisur, d.m.th., propozim i kërkuar apo i pakërkuar, konkretisht edhe në propozimin e operatorit ekonomik “Integrated Energy B.V” shpk. për inceneratorin e Tiranës, shpreh ne mënyrë eksplicite papërballueshmërinë dhe/ose paqëndrueshmerinë si edhe ndërmarrjen e angazhimeve publike që rrezikojnë në mënyrë të konsiderueshme përballueshmërinë dhe efektivitefin e projektit.?/CNA.al

RAPORTI I KLSH/ Inceneratori i Tiranës u kundërshtua nga institucionet shtetërore, kosto dhe risk i lartë

INCENERATORI I TIRANËS nga skandali në skandal/ Si u zhytën institucionet shtetërore në një aferë korruptive

Foto lajm/ Ku është inceneratori?

Koncesioni 128 milionë euro/ Zbulohen kompanitë në Hollandë me drejtorë Rusë

AFERA 128 milionë euro/ 13 shkelje ligjore në njoftimin e Kontratës

51 fakte dhe dokumente për aferën e inceneratorëve