E fundit!

10:40 Denoncim

Zbulohet skema/ Trekëndëshi: Bashkia e Tiranës - “Kuadr.com” - Arbër Veliaj

CNA ka nisur një tjetër investigim që mund të çojë drejt z...

“Rrëmbeni kosa e sfurqe”/ Kushtetuesja vendos sot për "fatin" e Ilir Metës

1 Shkurt 2022, 07:38, Politikë CNA

Gjykata Kushtetuese do të vendosë sot për fatin e Presidentit Ilir Meta.

Seanca pritet të zhvillohet në orën 10 të ditës së sotme.

Nisma për shkarkimin e Presidentit Meta u ndërmor nga maxhoranca socialiste dhe u fokusua në qëndrimet e tij para dhe gjatë fushatës për zgjedhjet parlamentare 2021, të zhvilluara më 25 prill të këtij viti.

Vitin që shkoi në Kuvendin e Shqipërisë, deputetët kanë votuar në favor të shkarkimit të presidentit, Ilir Meta me 104 vota, duke thënë se ai ka kryer shkelje të rënda të Kushtetutës.

Një komision hetimor i ngritur për shkarkimin e presidentit hetoi për tri javë rrjesht lidhur me deklaratat e tij publike gjatë fushatës elektorale për zgjedhjet parlamentare 2021. Në raportin e tij ky komision arriti në përfundimin se Presidenti Meta ka kryer shkelje të rënda të Kushtetutës duke nxitur dhunë dhe u mbështetur në partitë opozitare, me pretendimin se zgjedhjet do të manipuloheshin nga qeveria Rama.

Shkeljet e rënda përfshijnë edhe cënimin e marrëdhënieve me partnerët strategjikë të Shqipërisë dhe abuzimin me kompetencat që Kushtetuta i jep Presidentit.

PS iu referua deklaratave të tij, kur në Elbasan, u vra një qytetar, mbështetës i PS-së dhe u plagosën katër të tjerë, në një përplasje me armë mes mbështetësve të kësaj partie dhe PD-së,partisë opozitare, më 21 prill të këtij viti, katër ditë para zgjedhjeve parlamentare 2021.

Kryetari i Partisë Socialiste (PS) e cilësoi Presidentin Meta në fjalën e tij në Parlament si një president që “ka tradhtuar misionin e tij, ka poshtëruar Kushtetutën e Republikës së Shqipërisë. ka shembur institucionin e garantit të unitetit kombëtar.?

“Ilir Meta ka dhunuar kufirin jetik të ndarjes së pushteteve në demokracinë tonë parlamentare. Ilir Meta ka turpëruar Shqipërinë dhe popullin shqiptar në marrëdhënien krejt speciale me Shtetet e Bashkuara të Amerikës. Ilir Meta ka shkarravitur fytyrën e shtetit shqiptar në marrëdhënie me përfaqësitë e bashkësisë demokratike ndërkombëtare në Shqipëri,? tha kryeministri Rama në fjalën e tij.

Pas një debati që zgjati rreth katër orë, Kuvendi fillimisht votoi raportin nga Komisioni Hetimor për shkarkimin e presidentit, Ilir Meta me 104 vota për, shtatë kundër, dy abstenim dhe një fletëvotim ishte i pavlefshëm.

Në vijimësi, Presidenti Meta ka deklaruar se nuk do ta njoh vendimin e Kushtetueses nëse e shkarkon dhe se do të qëndrojë në detyrë deri në përfundim të mandatit në korrik të këtij viti, për t?u kthyer më pas në Opozitë./E.S-CNA.al