E fundit!

18:15 Politikë

“Prej vitesh me charter për transport parash”/ Nënkryetari i PD-së: Rama e ndan Shqipërinë si plaçkë private

Nënkryetari i Partisë Demokratike, Belind Këlliçi, u ndal ...

“Shqipëria, e parafundit në rajon për investimet e huaja”/ Tabaku fajëson qeverinë: Pikat ku ka gabuar

31 Janar 2022, 19:08, Politikë CNA

?Shqipëria është vendi më i padëshirueshëm për investimet e huaja në Ballkanin Perëndimor?. Kështu është shprehur nënkryetarja e shkarkuar e PD Jorida Tabaku.

Në një postim në rrjetin social Facebook, Tabaku shkruan se rezultatet e qeverisë në fushën e korrupsionit hde politikat fiskale janë më të këqijat në 30 vitet e fundit.

Ajo shton më tej se fajtorët dhe përgjegjësit për këtë janë Rama dhe oligarkia politike dhe ekonomike që i shërben atij.

?Shqipëria është vendi më i padëshirueshëm për investimet e huaja në Ballkanin Perëndimor dhe kjo nuk është rastësi.

Jemi të parafundit në rajon për investitorët e huaj sipas Global Opportunity Index.

Rezultatet e qeverisë në fushën e korrupsionit, shtetit ligjor dhe padyshim politikave fiskale janë në nivelin më të keq të 30 viteve demokraci.

Një shtet i kapur, siç thotë edhe raporti i Transparency International, nga oligarkia dhe ligjet me porosi kanë minuar mundësinë e një politike fiskale në favor të ekonomisë së tregut dhe lirisë së tregut.

Qeveria shqiptare është qeveria më e korruptuar në Europë sipas raportit të Departamentit Amerikan të Shtetit dhe kjo ka larguar investitorët seriozë që të distancohen nga investimet në vendin tonë duke hequr mundësinë e punësimit dhe investimeve serioze në vend.

Përtej kësaj e drejta e pronësisë është një problem kyç që ka shkatërruar çdo ardhmëri të inestimeve serioze të inesttiorëve të huaj në vendin tonë.

Për rrjedhojë vendi jonë është i fundit në rajon për investimet e huaja, i fundit në rajon për të ardhurat nga pagat dhe të parët në rajon për varfërinë.

Fajtorët dhe përgjegjësit për këtë janë Rama dhe oligarkia politike dhe ekonomike që i shërben atij.

Vendi ka nevojë për një politikë të re fiskale, për një luftë pa kompromis kundër korrupsionit (që nuk mund ta udhëheqë kjo mazhorancë) dhe padyshim për një qasje tjetër ndaj pronës.

Shqiptarët do të zgjedhin të ardhmen për t?i ikur territ të kësaj qeverisje që i ka varfëruar dhe tjetërsuar çdo të drejtë të tyre në favor të një klike të vogël politike dhe ekonomike?, shkruan Tabaku./E.K-CNA.al