Kandidat për Bashkinë e Vorës/ Lulzim Vrana flet për sfidën e tij

31 Janar 2022, 15:12, Politikë CNA

Anëtarësia votoj ditën e djeshme Lulzim Vranën, si kandidat për Bashkinë e Vorës në zgjedhjet e pjesshme vendore të 6 marsit.

Vranaj, me profesion ekonomist arritit të siguronte 277 vota. Në 6 mars ai do të përballet në garë me kandidatin e socialistëve, që Edi Rama ja besoi një mësuesi, Blerim Sheraj. Ndërkohë që Lulzim Basha ende nuk ka dalë me një emër kandidati në këto zgjedhje të pjesshme.

Lulzim Vrana, i ka cilësuar primaret si një sukses. Në një reagim për CNA.al, ai u shpreh se akti i djeshëm ishte një hap para për zhvillimin e demokracisë së vendit.

?Mendoj se është një akt më shumë për zhvillimin e demokracisë. Normalisht se janë propozuar nga baza. Ky ishte një sukses?, tha Vrana.

Kandidati për Bashkinë e Vorës foli më tej edhe për fushatën. Ai tha se së shpejti do të nisë bisedimet me qytetarë dhe biznese, për tu kërkuar votëbesimin për një zhvillim më të mirë të zonës.

?Unë do ta nis fushatën shumë shpejt dhe me qytetarët kam filluar të kontaktoj. Unë e njoh realitetin se ccfarë problemesh kanë qytetarët dhe detyra ime është ti shërbej qytetarisë. Kjo është më e rëndësishme për mua. Po të marrim Vorën, unë e njoh se kam shumë kohë. Kam lindur në Prezë jetoj në Vorë. Vora është një zonë industriale dhe bujqësore dhe ka agroturizëm që zhvillohet dhe mendoj se do punoj në këto fusha. Unë do bisedoj edhe me bizneset sepse janë pjesë e rëndësishme e zonës, sepse nëse kërkoj të votohem do u rritet mundësia, për të ardhura, kjo është një problem për shoqërinë sot?, tha Vrana për CNA.al.

I pyetur nëse mund të dëmtohet nga përçarja e PD dhe kandidati që do nxjerrë Lulzim Basha, Vrana tha: ?Situata nuk është e favorshme fare. Unë u bëj thirrje edhe atyre për bashkëpunim sepse mendoj që kandidatët e primareve kanë mbështetjen e bazës.

Basha ka partinë zyrtare, ndërsa pjesën tjetër e ka baza?.

Kandidati i Bashkisë Vorë ka edhe një mesazh për demokratët dhe qytetarët e zonës ku do garojë.

?Mesazhi im është për të më votëbesuar për arsye se kam qenë dhe jam në mesin e qytetarëve dhe jam i papërfolur për asnjë problem. Kam qenë edhe pjesë e instittucionit të bashkisë. Unë kam punuar edhe në fabrikën e tullave edhe në Bashkinë e Vorës dhe në të dy rastet kam qenë korrekt. Këtë gjë duhet ta thonë qytetarët e Vorës?, tha Vranaj për CNA.al./E.K