E fundit!

07:38 Ekonomi

Eurostat: 35% e shqiptarëve nuk përballojnë qiratë, faturat, pushimet, apo blerjen e rrobave të reja

Shqipëria është vendi me nivelin më të lartë të privimit t...

Ish-Ministri i Nanos drejt Bankës së Shqipërisë/ Deputeti i PD, në mbështetje të tij

21 Dhjetor 2021, 11:20, Ekonomi CNA

Këshilli Mbikëqyrës i Bankës së Shqipërisë, ka shpallur dy vende vakante, për të cilat është zhvilluar sot një seancë dëgjimore në Kuvend.

Një nga kandidatët që është vet?ofruar për njërin nga venden është dhe ish-deputeti i Partisë Socialiste Anastas Angjeli.

Gjatë prezantimit të tij, ai tha se kandidon për këtë post pasi mendon se ka përvojën e nevojshme për të dhënë ndihmën e tij në ndryshimin e kuadrit ligjor të Bankës së Shqipërisë.

?Mendoj që një kontribut që mund të japë është përmirësimi i kuadrit ligjor të Bankës së Shqipërisë. Ligji për Bankën e Shqipërisë është që nga viti 1997, pra për çerek shekulli nuk ka ndryshuar dhe ka nevojë të përmirësohet.

Përmirësime të tjera janë rritja e autonomisë e bankës së Shqipërisë, duke e bërë atë më të pavarur nga ato që parashikon Kushtetuta. Gjithashtu ka disa akte të tjera nënligjore që kanë të bëjnë me auditin e brendshëm edhe ato duhet të përmirësohen. Dhe dy elementë të tjerë janë transparenca, që duhet të bëhet në përputhje me legjislacionin në vendit tonë dhe siguria kibernetike?, është shprehur Angjeli.

Ky i fundit ka marrë mbështetje edhe nga deputeti i PD-së Edmond Spaho, i cili e ka vlerësuar si një kandidaturë ekselente.

?Vende të tilla në Bankën e Shqipërisë janë për individë me një eksperiencë dhe përvojë të madhe. Kështu që mendoj se zoti Anasatas Angjeli është një kandidaturë ekselente për këtë pozicion?, është shprehur Spaho.

Kush është Anastas Angjeli

Anastas Angjeli lindi më 7 maj të vitit 1956, në qytetin e Sarandës. Angjeli mban disa tituj dhe grada shkencore në fushën e Financave Publike si doktor, docent, professor, etj.

Ai është anëtar i Akademisë së Shkencave të Europës.

Pas përfundimit të studimeve të larta në vitin 1980 në Universitetin e Tiranës, Fakulteti i Ekonomisë dega Financë, Prof.Angjeli emërohet pedagog i Financave Publike në po këtë fakultet, pozicion të cilin e mbajti deri në vitin 1998.

Gjatë kësaj periudhe e deri në vitin 2005, z. Angjeli ka ushtruar disa funksione të larta shtetërore dhe qeveritare si zv/Ministër i Financave, Ministër i Financave, Ministër i Çështjeve Sociale dhe Ministër i Ekonomisë në qeveritë e drejtuara nga Partia Socialiste e Shqipërisë.

Profesor Angjeli ka dhënë kontributin e tij jo vetëm si lektor apo ministër në disa kabinete qeveritare, por kudo ku ka pasur nevojë për eksperiencën, profesionalizmin dhe kualifikimin e tij, deri në drejtimin e institucioneve ndërkombëtare.

Në periudhën 1990-1991 z. Angjeli ka qenë Këshilltar i Kryeministrit në një grup prej 4 profesorësh për përgatitjen e tranzicionit ekonomik, nga ekonomia e centralizuar drejt ekonomisë së tregut.

Në 1997-1998 ishte anëtar i Asamblesë Kombëtare për përgatitjen e Kushtetutës së Shqipërisë.

Në periudhën mars 2004 ? mars 2005 zv/Guvernator i BERZH-it, Londër.

Në dhjetor të viti 2005 zgjidhet Kryetar i Bordit të Institutit Shqiptar për Reforma dhe Zhvillim. Prof.Dr.Anastas Angjeli është i zgjedhur deputet i Partisë Socialiste të Shqipërisë në pesë legjislatura dhe anëtar i Komisionit Parlamentar të Ekonomisë dhe Financave./E.S-CNA.al