E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Nga Kabuli në Shëngjin/ Një shtëpi përtej detit

15 Dhjetor 2021, 09:10, Aktualitet CNA

Në kohë vjeshte dhe mot jo të ngrohtë, Abdullah dhe Parwana Radyar e kanë destinacion të përditshëm plazhin.

Që nga 24 shtatori ky çift nga Afganistani bashkë me fëmijët e tyre janë strehuar në një resort në Shëngjin të Shqipërisë.

Në vendlindje Abdullahu ka punuar në organizatën ?Acted?, e cila ndihmon popullatat e prekura nga konfliktet. Kjo e ka bërë atë dhe familjen e tij të rrezikuar nga talebanët, grupi militant që ka rimarrë pushtetin në Afganistan në gusht të vitit 2021.

?Kur punoja në organizatë disa herë talebanët kontrolluan njerëzit që punojnë në organizata të huaja dhe na thoshin: pse po punoni me të huajt??

Talebanët njihen për interpretim të ashpër të Ligjit islamik të Sheriatit i cili kufizon shumë të drejta përfshirë shkollimin e grave.

Grupi po ashtu ka kërcënuar afganët që kanë punuar për forcat e huaja ushtarake në 20 vitet e fundit.

Abdullahu thotë se është gëzuar që familja e tij është evakuuar në Shqipëri derisa ti mundësohet azili në SHBA.

?Njerëzit e Shqipërisë janë njerëz shumë të mirë, shumë mikpritës të këndshëm më pëlqejnë njerëzit e Shqipërisë?.

Bashkëshortja e tij në Afganistan ka punuar me grupe të ndjeshme, fëmijë, e gra shtatzëna, nëpërmjet organizatës ?Save the Children?.

Asaj i është dashur të mbyllet në shtëpi kur talebanët u kthyen në pushet.

?Kur erdhëm në Shqipëri më ka munguar familja ime, Afganistani, situata me sigurinë në Shqipëri është e mirë. Unë mund të shkoj në Tiranë, Lezhë mund të ecë dhe e kemi plazhin ta shijojmë?.

Parëana thotë se e pikëllon fakti që vajzës së saj 21 vjecare i janë ndërprerë studimet për Ekonomi.

?Vajza jonë është shumë e interesuar për të vijuar studimet por kur të shkojmë në SHBA vajza e djali do të shkojnë në universitet?.

Rreth 1.600 afganë janë vendosur në një nga resortet e Shëngjinit. Dita e refugjatëve në Shëngjin, kalon kryesisht në plazh. Fëmijë e të rritur angazhohen në aktivitete sportive ndërsa vullnetare mbajnë aktivitete arti për gra.

Por dita normale e punës nuk ka ndryshuar shumë për Faisal Karimin, gazetar e ligjërues i gazetarisë nga Afganistani

Ai udhëheq Agjencinë e Lajmeve për Gratë e Afganistanit dhe po vijon punën nga Shqipëria me shumë kolegë të tij që janë evakuuar po ashtu.

?E dimë se si gazetarë kemi përgjegjësinë për të vijuar punën, dhe këto janë ditë kritike kur njerëzit e Afganistanit kanë nevojë për të marrë informacione por mediat e vendosura në Afganistan nuk janë të lira dhe të pavarura?.

Kryeministri Edi Rama është zotuar se do pranojë deri në 4 mijë afganë në shtetin e tij, më shumë se çdo vend tjetër i botës. /Rel