E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

E frikshme/ Koka-robotike me shprehi të fytyrës si njeriu

14 Dhjetor 2021, 11:28, Tech CNA

Nga Ex Machina te Robocop, robotët humanoidë kanë qenë objekt i filmave fantastiko-shkencor prej vitesh.

Tani, robotët e ngjashëm me njeriun po bëhen realitet ? dhe roboti më i fundit nga Engineered Arts është një nga më realistët deri më tani.

Sipas dailymail, koka robotike, e quajtur Adran, ka 22 aktivizues të personalizuar që e lejojnë atë të lëvizë sytë dhe gojën ashtu si një njeri.

Një video rrëqethëse e Adranit në veprim tregon kokën robotike duke i shkelur syrin kamerës, duke lëvizur nofullën nga njëra anë në tjetrën dhe madje duke buzëqeshur.

Engineered Arts e postoi videon në kanalin e saj në YouTube, megjithëse pranon se duhet bërë më shumë punë përpara se Adran të jetë gati.

“Ky është një test i vogël lëvizjeje për një kokë roboti Mesmer,” tha ai.

“Kjo kokë dhe qafë ka 22 servo aktivizues të personalizuar – vetëm 5 rreth gojës që nuk mjaftojnë për sinkronizim vërtet të mirë të buzëve – kjo është arsyeja pse nuk flet në këtë klip.”

Adran është ajo që Engineered Arts e përshkruan si një ‘Mesmer’, një sistem për ndërtimin e robotëve realistë humanoidë që janë të fuqishëm, elegantë dhe me kosto efektive.

Sipas kompanisë me bazë në Cornëall, robotët Mesmer mund të shfaqin një gamë të madhe emocionesh njerëzore dhe mund të bëhen të duken si çdokush.

?Çdo robot Mesmer është projektuar dhe ndërtuar nga skanimet e brendshme 3D të njerëzve të vërtetë, duke na lejuar të imitojmë strukturën e kockave njerëzore, strukturën e lëkurës dhe shprehjet në mënyrë bindëse?, shpjegoi ai.

Për të krijuar një robot Mesmer, Engineered Arts fillimisht përdor një ‘Photogrammetry Rig’ me skanim 3D për të kapur imazhe të subjektit nga çdo kënd.

“Fotogrammetria funksionon duke kapur fotografi të shumta dixhitale të mbivendosura nga kënde të ndryshme,” shpjegoi ai.

“Ato më pas rindërtohen në mënyrë dixhitale në një model 3D duke krahasuar ngjyrat e pikselave dhe duke përcaktuar pikat e ankorimit.”

Pasi të jetë krijuar modeli dixhital 3D nga Fotogrammetry Rig, një kallëp i saktë i modelit dixhital prodhohet duke përdorur një printer 3D./www.dailymail.co.uk/sciencetech/article-Creepy-robotic-head-unveiled-eerily-human-like-facial-expressions-movements./Përktheu S.K-CNA.al