web counter
LEXO PA REKLAMA!

SHKARKO APP

App Store
Google Play

E fundit!

x

VIDEO-E papritur/ Kandidati për President në Francë sulmohet gjatë fushatës së tij të parë

6 Dhjetor 2021, 09:27, Kosova & Bota CNA

Kandidati për President nga ekstremi i djathtë në Francë, Eric Zemmour, është sulmuar në fushatën e tij të parë.

Sipas BBC, ndërsa 63-vjeçari lëvizte mes turmës për në skenë, një burrë e kapi për pak kohë nga qafa përpara se oficerët e sigurisë të ndërhynin.

Si pasojë e kësaj ngjarjeje kyçi i tij është lënduar dhe mjekët i kanë urdhëruar nëntë ditë pushim.

Ky incident ishte një nga disa përplasjet e dhunshme gjatë ngjarjes, të mbajtur në një qendër kongresi në veri-lindje të kryeqytetit Paris të dielën mbrëma.

Rreth 10,000 njerëz të cilët janë kundër politikanit, marshuan nëpër qytet, ndërsa policia arrestoi dhjetëra të tjerë jashtë ngjarjes.

Kandidati vazhdoi me fjalimin e tij edhe pas incidentit. Ndërsa ai filloi, mbështetësit e tij hodhën karrige ndaj demonstruesve të cilët u ngritën në këmbë të veshur me bluza që mbanin slogane kundër racizmit.

“Nëse fitoj këto zgjedhje, nuk do të jetë një tjetër rotacion i pushtetit, por një ripushtim i vendit më të madh në botë,” i tha ai turmës gjatë fjalimit.

Politikani i ekstremit të djathtë kritikoi gjithashtu elitat politike dhe mediat.

“Unë jam i vetmi që mbroj lirinë e mendimit, lirinë e fjalës,” deklaroi ai, duke hedhur poshtë akuzat për fashizëm, racizëm dhe mizogjini.

Në të kaluarën, Zemmour është dënuar për gjuhë të urrejtjes. Shumë e akuzojnë kandidatin për president për nxitje të përçarjeve dhe nxitje të diskriminimit kundër popullsisë myslimane të Francës.

Politikanët francezë po konkurrojnë për t’u përballur me presidentin Emmanuel Macron në zgjedhjet e vitit të ardhshëm.

Sondazhet e opinionit aktualisht sugjerojnë se Macron ka të ngjarë të ruajë pushtetin, por analistët besojnë se rezultati i garës është ende i pasigurt.

Partia e qendrës së djathtë ?Les Républicains? javën e kaluar njoftoi se kishte zgjedhur Valérie Pécresse si kandidaten e tyre për vitin 2022./ Përshtatur nga CNA.al





Lajmet e fundit nga