E fundit!

12:16 Aktualitet

SPAK kërkon 98 vite burg për Durim Bamin, Aldo Avdylin dhe 5 të tjerë

Prokuroria e Posaçme ka dhënë pretencën për disa nga të pa...

Zyrtare/ Gledis Nano emërohet Drejtor i Përgjithshëm i Policisë së Shtetit

6 Tetor 2021, 10:22, Aktualitet CNA

Gledis Nano është emëruar sot zyrtarisht në detyrën e Drejtorit të Përgjithshëm të Policisë së Shtetit, duke zëvëndësuar kështu në këtë detyrë Ardi Veliun.

Emërimi i Gledis Nanos, vjen një ditë pas largimit nga detyra të Ardi Veliut.

Emërimi i tij është miratuar sot nga Këshilli i Ministrave, me firmë nga zv. kryeministri Arben Ahmetaj, pasi kryeministri Edi Rama ndodhet në Slloveni.

Kujtojmë këtu se CNA.al ishte media e parë që raportoi se emri i mundshëm për të marrë detyrën e kreut të Policisë së Shtetit, është Gledis Nano.

Ky i fundit më parë ka mbajtur detyrën e Drejtorit të Drejtorisë së Antiterrorit në Policinë e Shtetit.

Gledis Nano u emërua në detyrën e kreut të drejtorisë të Antiterrorit që prej 17 shkurtit 2016 pas një pune të gjatë dhe eksperiencë 17-vjeçare si pjesë e policisë së shtetit.

Gjatë të gjithë karrierës Nano ka kryer detyra të ndryshme në polici ku ka pasur rezultate në zbulimin e ngjarjeve të rëndësishme.

Në vitin 2013 ka kryer hetimet e dosjes se ?Imameve? të arrestuar për terrorizëm, ngjarje e cila ka pasur shumë jehonë si një nga më të suksesshmet në këtë fushë në të gjithë rajonin.

Gledis Nano po ashtu drejtoi të gjithë operacionin sekret të dëbimit një muaj më parë të diplomatëve iranian nga Shqipëria.

Së fundmi në emër të Qeverisë Amerikane, ambasadorja Yuri Kim i dorëzoi Gledis Nanos, një certifikatë vlerësimi për kontributin e dhënë në luftën kundër terrorizmit global.

Në certifikatën e dorëzuar shkruhet ?Për partneritetin e jashtëzakonshëm dhe dedikimin në mbështetje të Ambasadës Amerikane në Tiranë Shqipëri, dhe përpjekjet e përbashkëta në luftën botërore ndaj terrorizmit. Vendosmëria juaj dhe përkushtimi në luftën kundër terrorizmit ka sjellë kredite të mëdha e të shtuara tek vetja juaj edhe për Drejtorinë e Antiterrorit dhe Policinë e Shtetit?./CNA.al

Shkarkohet Ardi Veliu/ Zbulohet kush pritet ta zëvendësojë