web counter
LEXO PA REKLAMA!

SHKARKO APP

App Store
Google Play

E fundit!

x

“Luftë”për post/ Rikthehen përplasjet mes kryebashkiakëve

6 Tetor 2021, 08:48, Aktualitet CNA

Përplasja për kryetarin e ?Shoqatës së Bashkive? vijon ende.

Ka qenë kryebashkiakja e Shkodrës Voltana Ademi që e ka risjellë në vëmendje këtë përplasje, pas një vendimi më të fundit të gjyqësorit që njëh kryetar të  ?Shoqatës së Bashkive?, kryebashkiakun e Lezhës, Pjerin Ndreu.

?Sot, në zyrat e Shoqatës së Bashkive të Shqipërisë është dërguar nga z. Pjerin Ndreu, përmes një emaili dërguar nga Bashkia Lezhë, vendimi i Gjykatës së Rrethit Gjyqësor Tiranë, i datës 14 Shtator 2021. Me këtë vendim gjyqtari ka vendosur z. Pjerin Ndreu Kryetar të Shoqatës së Bashkive?, njofton Ademi në rrjete sociale.

Sipas saj, kërkesa e z. Ndreu për t?u regjstruar në Gjykatë, për të uzurpuar Shoqatën e Bashkive të Shqipërisë, është hedhur poshtë me një vendim të mëparshëm të gjykatës, më datë 21 qershor 2021.

?Me këtë vendim gjykata vlerësoi se kërkesa e z. Pjerin Ndreu nuk ishte nëpërputhje me Statusin e Shoqatës dhe kuadrin ligjor përkatës.  Me të njëjtat procedura jo demokratike, jo statutore dhe jo ligjore, z. Ndreu e ridërgoi kërkesën sërish në gjykatë.

Për fat të keq, gjykatësi i çështjes e pranoi kërkesën dhe vendosi me një vendim të jashtligjshëm kapjen e Shoqatës së Bashkive të Shqipërisë.

Ky vendimi është jo i drejtë e joligjor?, shkruan më tej Ademi.

Sipas saj, veprime të tilla, duke kapur dhe kontrolluar Shoqatën e Bashkive, nga Partia Socialiste, nga individë që nuk kanë mandatin për përfaqësim, për të qenë anëtarë të Shoqatës së Bashkive, janë në kundërshtim me Kushtetutën, statutin e shoqatës, dëmtojnë autonominë dhe parimet e demokracisë vendore.

?Veprime të tilla përdhosin çdo parim e rregull.

 Personat që e kanë lajmëruar ketë vendim nuk janë anëtarë të shoqatës që unë drejtoj.

 Ata janë anëtarë të Shoqatës për Autonominë Vendore, e krijuar nga Edi Rama në 2010-ën. Pas votimeve të paligjshme të 30 Qershorit 2019, anëtarë të kësaj shoqate janë të 60 bashkitë që urdhërohen nga Edi Rama.

 Pra, edhe ato bashki, si Lezha, dikur anëtare të Shoqatës së Bashkive të Shqipërisë, janë larguar për t?iu bashkuar shoqatës politike të krijuar nga Partia Socialiste?, shkruan Ademi.

Ademi thotë se shumë do të ketë një vendim të qartë për këtë çështje, pasi Gjykata Kushtetuese është duke shqyrtuar kërkesën e Shoqatës së Bashkive të Shqipërisë, për procesin antikushtetues të votimeve vendore të datës 30 qershor 2019.

?Veprimtaria e Shoqatës së Bashkive ka qenë dhe duhet të jetë një kontribut për të mirën publike. Ajo nuk mund të jetë një instrument në dorën dhe kontrollin e qeverisë.

Në cilësinë e Kryetares së Bashkisë së Shkodrës, si drejtuese legjitime e shoqatës, ndihem tejet e shqetësuar për veprime të tilla , jo demokratike. Përpjekja ime vijon. Unë nuk tërhiqem.

Ftoj partnerët ndërkombëtarë dhe donatorët, brenda dhe jashtë vendit, të vlerësojnë me profesionalizëm dhe seriozitet situatën?, përfundon reagimin Ademi./CNA.al





Lajmet e fundit nga