web counter
LEXO PA REKLAMA!

SHKARKO APP

App Store
Google Play

E fundit!

x

Transportoi 14 kg kokainë dhe u punësua në Doganë/ Zbardhen detaje për të kërkuarin e Interpolit

23 Shtator 2021, 08:39, Kronika CNA

Një 42 vjeçar i identifikuar si Julian Mandija është arrestuar nga Policia e Durrësit, pasi ishte shpallur në kërkim ndërkombëtarë.

I njëjti, sipas Policisë, ishte dënuar në Itali për trafik droge.

Ndërkohë janë zbardhur detaje të reja, rreth 42 vjeçarit Mandija, i cili rezulton që gjatë kësaj kohe që kërkoi për të vuajtur dënimin, ka bërë detyrën e doganierit në Doganën e Durrësit.

Madje ai është arrestuar në vendin e punës.

Julian Mandija  rezulton të jetë prangosur në Itali  në vitin 2014 në Itali së bashku me katër të tjerë me të cilët po transportonin 14 kg kokainë.

Një tjetër person në kërkim ndërkombëtar bie në prangat e Policisë.

Arrestohet përkohësisht, me qëllim ekstradimi drejt Italisë, 42-vjeçari i dënuar për veprën penale ?Trafikimi i lëndëve narkotike? .

Strukturat e Drejtorisë Vendore të Policisë Durrës, si rezultat i shkëmbimit të vazhdueshëm të informacioneve mes ZQK Interpol Tirana, bënë të mundur kapjen dhe arrestimin me qëllim ekstradimin drejt Italisë të shtetasit Julian Mandija, 42 vjeç, banues në Durrës.

Ky shtetas ishte shpallur në kërkim ndërkombëtar, pasi Gjykata e Apelit në Aquila/Itali e ka dënuar me 7 vjet e 4 muaj burg për veprën penale ?Trafikimi i lëndëve narkotike?, parashikuar nga Kodi Penal italian.

Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë./CNA.al

Në kërkim ndërkombëtar për trafik droge/ Arrestohet 42 vjeçari





Lajmet e fundit nga